تويت
بن علايم في أمريكا
علي بن علائم عند زيارتة لاامريكا العام واستقبلة الريئس جورج بوش
نزلت من المطار وركبونى في سيارة مصفحة بعد مافتشونى ثم وطوني في مفرق ولاية تكساس وقالو اقعد هنية اويايون ياخذونك منية واللة وجو واركبونى في سيارة كــابــرس
ss سـودا طــــــــويـله إلاهو يوم وطاني السواق عند بـوابة (( الـبـيـت الأبـيـض )) فأنزل ياولد هو قصده يوم نزلني هنيه يعني اني وادخل البـيـت ذيه ولا انا امسك الرصيف ذيه وعاد احصل المواقف مواقف الباصات
ss سـودا طــــــــويـله إلاهو يوم وطاني السواق عند بـوابة (( الـبـيـت الأبـيـض )) فأنزل ياولد هو قصده يوم نزلني هنيه يعني اني وادخل البـيـت ذيه ولا انا امسك الرصيف ذيه وعاد احصل المواقف مواقف الباصات
فـعـود انـزل وافتح سلفة حوش البيت الأبيض الباب(( سلك سحبته يدخل من داخل الباب يفتح من مقـبض السلفه )) فأدخل إلا طلااااااااااقه انهم صـف كاااااامل قـبلي من اليمين إلى اليسـار :
جـورج بـوش // رامسـفـيـلد /// كـولون بـاول //كونـداليزا رايس /// لـورا بـوش (( مرت بوش )) وبنـاتها الثـنـتيـن
وميلا دخـلت إلاهم كلهم بصـوتن واحد : ارحبووووووووو مرحبا مليووووووووووون
فألتفت ورايه لا يكون ورايه انسان ........ ياولد هو لي الترحيب ذيه كله إلا قسـم انه لي ...... فتعال يا بـوش قال : مرحبلي يا بو علـوه تراحيب المطر قسـم اني خـجـلانن منك يا ولــد لا عاد اتصلنا عليك ولا عاد سمعنا صوتك ياخي اشغلونا بالأنتخابات في الاسابـيـع تي عـدى عين قسـم ولو عـوانـيـنا وأنسـابنا اني لاقـد وصلـناهم وإنــي لا قد طبيت عندهم وزيد جوالي كـان مـفـصــول لا عاد معي إلا جـوال المره ولا اطيق اخذه منها إلا إذا رقدت ولالقيت شـر 0المحصـٌـل لا تزعل ولا تاخذ في خـاطرك علينا وابشر بالحق غير تعال ادخل ذبحنا البـرد هنيه (( كنا في اليـرين ))
فيـه يصـيح على كـولون باول ورامسـفـليـد : ولد انت وياه سـيروا قـوام افتحوا المـيـلس وولعوا النـور هيا قـوام (( الله من شـحـنـتـن كانت بـالمـخـنفـر كـولون باول يـوم صـاح عليهـم توي))
فنـعود نمشي انا وياه في اليـرين شويه فيني أقول له : منـيـن او نـدخل منيه ولا من الباب ذاك ..؟
فنـعود نمشي انا وياه في اليـرين شويه فيني أقول له : منـيـن او نـدخل منيه ولا من الباب ذاك ..؟
قال : لا لا عيدك منيه عين ذاك مدخل الحـريم .. انت تشوف السراميك ذا تو المدخل والجبس ذا فوقه قسم يا بو علوه انه كلفني حول الخمس طاعش الف لك الله (( عبى الشيـبان يعلمـون بكل صغيره وكبيره شي يوده في بيـته ))
وأيـنا ما نتمشى شويه فيـه يقول : ابو علوه .....قلت : إيذاااااااني ........ قـال : تعال تعال وأوريـك بـلادن عمـلتها في البـقـع ذا تـونا وابـشرك زيد سـرت ييتب (مــورٌه) أبيـار (( بتشديد الراء )) من البـرازيـل فـوره لي الماء تونا هنيه فـاصقـع بـ خمسين متـر إلا يوم طلع لي الماء في 30 مـتر فأكمل الباقي وابشرك أيـنا نـظـل نشـرب منـها ونسقي الغروس وزيد شفت الماصوره تيك ينـدر الماء فيها لين يـوصل البـراده تي هبتها عند الباب انت شفتها يوم دخـلت ؟؟
قلت : عساها من حيذ وطــٌـاني السواق ....... قال بـوش : اسلم اسلم زيد طلاااااااقه لو كان سـلمت منـاقــرة (( جــون كــيري )) عـليـها لكن قسم اني قـعدت في نحره اني خذتها البـلاد تي تـوك تيه كـلها
قـلت له : ليه مذا قـد عبي بك ..؟
قال بوش : ريال سـار تربـع بـي عـند (( تـوني بلـيـر )) وعـند (( كــوفي عنان )) عصـرية اولت امس ولا وعيت إلا توني يدق عليه يقول : إن الريال يـاه واشتكى عليه عنده يقول اني شبكـت بـلاده وبـلاد اخوانه ويقـول انهم ورثوها من (( كـندي )) ومعهم شهود ومـزكيه على كلامه
قـلت له : ايوه ومذا عبيت انت يوم قالك .؟
قـال : طلااااااقه اني نشبت لهم في حلوقـوهم ريال معي صكوكن عليها وكل صك فيه توقيع اكبر من راسي غير كوذيه ملا ودهـم ينكـدون علينا صـيفيـتـنا
عيـنها من الضرب ذاك انت تشوف الحيـد المـلون وسـط الثماله هناااااااك ......... ايوه ايوه اشوفه ........ قال : عين من حـدها من هلم إلــــــــــــــــــــى الشبك ذا في اخـر البقع كلها لـي
فكري اني قلت له : طيب منذا هي له البـلاد الي وراء الشبك هناك ..؟
قال بوش : ريـال يقـولون انها لكهـله ماتت من وحيــٌـاه يقـولون انها وصـت عليها انهم يهبونها كنيسه بعد ما تمـوت (( كنسوها في جهنم)) لكن شوف محلى الضيعه من بثورها تركوها كوذيه لاهم الي باعوني اياها ولاهم إلي عـملوها
قال بوش : ريـال يقـولون انها لكهـله ماتت من وحيــٌـاه يقـولون انها وصـت عليها انهم يهبونها كنيسه بعد ما تمـوت (( كنسوها في جهنم)) لكن شوف محلى الضيعه من بثورها تركوها كوذيه لاهم الي باعوني اياها ولاهم إلي عـملوها
وأيـنـا ما نروي ونسولف إلا يوم ظهـرت بـنـته مع البـلكونه تصيح : واااااابه يا واااااابه .......... بـوها : رمااااااااح ........ بنته : تـقـول ومـي ترا العيـش بـرد تعالوا كـلـوا بسـرعه
<<<<------------
قـال بـوش : هيا اقولك مشيـنا مشيـنـا عين المــره قـد قـامت من صبح سمعتها وحيـها ما تخوس في المطبخ قـد يـودت لـطـف ومعاصيب وشي يحبه قلبك ........ قلت هيـا سـرينا
فـنـعود ندخل في المجلس فألتفت يمين على المقـلط إلا فيـه فـراش وشرشف ومخده وقـمـيص مـعـلـق فـعـود اقـول : بـوش ريال مـنـذاهـو مرقده ذيـه ......... قـال بوش : أيه فـراش (( تـوني بـلير )) إذااني ولاني اعلمتك انه جانا السبوع ذا عـدى .......... لاوه لا اعلمتـني ......... قال : الريال اقبل السبوع ذا طاف تـفـاعـظـوا هو ومـرته افلحت عند عوالها وهو اقـبـل عندي قال او يقعد السبوع ذيـه وذا بعده ......... قلت لـه : وينه طيب ماشفته ...... قال : منه قد قام قبل ماتـاي قـال او يـروح ياخذ بدلته من عند الكـوٌاي (( المـغسـله )) ......!!!
فنـدخل الميلس إلا ذا السـفـره قبـلنا إلا المشاغيـث والمعاصيب والسمن فـوقها والعسل يالطييييف ..... عـودت قـلت فـيــك يا بـوش !! قـال : ريال طلااااااقه انك زيد لو قلت انك او تـاي من بدري كان صـقـعت بحاااااااشي (( امـريكي )) لكن في الليل او تشوفه غير عـد اقـعد هناك وكل قبل لا يبـرد
فعدي اقعد فألتفت يمين ويسـار في السـفره ........ قال بوش : مالك مذا ودك به ؟؟ ...... قلت : عسى هو فيـه لبـن ......... بـوش : ابو ولـدي إيذاهم ماهبـوه ........ ام اشهق شهقه ام صح كنوداليزا راااااااايس ،، كـونداليـزا راااااااااايس ......... فأقبلي مع الباب ويدها ملانه صابون قـالت : مالنا مـالنا الله يصيح عليك يا ذا الشايب من صبح مـلا ما تهـرم علينا سحاااااااابيه
قال : وينهـو اللبـن ذا شـريـته قـبـيـلا ......... فأيها ترد : كأني دريت عنك وين هـبته قومتنا من صبح وحن في خويس من صبح (( وهي ما تهـرم نـط رامسفليد كان جالس على الكنب في الميـلس ))
قال : اقولكم ياعرب صحتوا علينا الله يصيح عليكم عدي يا بنت عنيني هبته فـوق الـفـريـزر ذا في المـطبـخ الثـاني بجنـب غـرفـة كـولون باول
فألتفت فيه يا بوش : قـال عسى الله يصيبك ومالك ما تحاكي يوم انك انت ذا شليته انبح صـوتي هنيه وانت باصمن محلك
فرد يا رامسفليـد : وانت خـليـتـنـا نـروي من يوم اقبل بو علوه اشتليته وافلحت به تـوريه بلادك زيد ليتها لك والله لا عـاد شرهتي إلا منه
عـود رد يا بوش : مالك ما تقـوم تاكل من الـعـيش قـم عين مـحلى طعـمـه .......... رامسفيـلد: بس مالي بـه حـرقـان قـطع صـدري ماخلاني ارقد من امس
المـهـم فكري اني ما اكل وادلبغ في السمن وبوش حـذايه زيد ياكل بـدت له ماكبـر لقـمه ....... وشويه فيـه يدق جوالـه إلاهـو رقم غريب (( من كبينه )) فـرد : ارحب من معي ....... المتصل : معك (( تـوني بـليـر )) اقولك انا اجيب بـدلك وفنايلك من المغسله معي ولا اخليها تقـعـد ..... بـوش : مرحبلي يا توني ابو ولدي وينهو جوالك مالك ما تدق منه .......... بليـر : يابن الحلال مفصـول لكن انا اجيب ملابسك معي ولا لا ........ بوش : ايوااه جبها جبها عيدك واسـرع تعال عيني على عيشـن هنيه يهول ......... بـليـر : ليــٌـه كأن عـنـدك أحــد ......... بـوش : ماني واعلمك غير اللحق هيا مع السلامه فيـه يقـفل
ام فيـه يـلتفت فيه قال : طلااااااااااقه من عوالي يا غـداك وعشاك الليله انه هنيه وامنـعني من قـولت باروح عند فلان ولا عـلان عين ما معك سيـرة منيه إلا إذا صـدرت الرياض انت سمعت لانه......... فأرد : ريال عين ما معي إلا اليومين تيه وزيد باقي ملابسي واغرضي في الفندق عيني ولا قـلت إلا و أسـلم وعليك في اليومين تيـه واصدر ............ قال : ماعليك من قد الملابس وأغـراضك عيني وارسل الولد ذلـحين يسيـر يايي بها كلها ويسدد الفـندق وتعال نحمده عين البيت كبير والسعه وعين العـوال فرشـوا لك في غرفة لحالك (( وهـو ما يهرم دخلت كونداليـزا راااايس ياتب اللبن ))
يابته واهبته في السفره وعادت تـفلح .... قـال بوش : اقعدي افـطري يا بنت معنا ........ قالت : لا لا با اعدي افطر داخل عند النسوان(( حـديكم هي استحت مني ولا ايش ..؟ ))
يابته واهبته في السفره وعادت تـفلح .... قـال بوش : اقعدي افـطري يا بنت معنا ........ قالت : لا لا با اعدي افطر داخل عند النسوان(( حـديكم هي استحت مني ولا ايش ..؟ ))
عـودنا كلنا وخلصنا وجلسنا في البـلكونه نشرب الشاهي الأمريكي فتعال يا كولون باول استحب مركـأ من داخل المجلس وعدى جلس بينبي قال : حي الله بــو علـوه يا اعز من جاانا أسفـرت وأنورت ....... سلمت سلمت بوجودكم طال عمرك (( الله من خـجـل )) ...... فيـه يقـول : اقـولك مذا ما كان يقولك الشايب ذيه ((ميد بوش )) يوم كنتوا تدورون من وراء البيت ودونه لا تقول انه ما يرويك بلاده وبـقـوعه ثـمه .......... قـلـت : ايوه ايوه وراني ياها كلها ووراني الـبـيـر ذا حفـره و وراني بـقع الكهـله ذا يحد بـقعه هو من الشمال يـاولد اثرهم نشبـو في نحـره بـثـورها ....... كـولون باول : حـليـلك ليتك شـفتهم يـو تـنـاشـبـوا في الأمـاره مع بـثـورها ماوعيـنا صبح إلا جيب الشـرطه عند الباب فأشتلوه من تو الباب وودوه الأماره ثمه فيه يحاظيهم فتعلاعنوا اليدف لكن سلم الله اني اعرف ريس رقباء قد درس معي الثـنوي مدير المركز ولا كان أمسى في التوقيف
وأينا ما نسـولف إلا هو يوم اقبـل رامسـفـلـد وبيده زنبـيـل كله غـميل ام اهبه في النص قــال : بـوعـلوه انت وكولون باول هـكم الغــمــيــل ذياااانه قـشــروه ويـلـدوه كله اما انا وعـدي اشـب النـار و أولع الجـمر ونهب الغـميل فيه
وايني جالسن كوذيه إلا فكري اني اكلت شويه من الـزغاديب واخذت بي عيني محلي ولا امداني ارمش إلا اسمع صـوت : بو علوه بوعلو قم قم العـشـاء قـم الـعـشـاء
منقول
