[poem=font="Simplified Arabic,6,purple,bold,italic" bkcolor="silver" bkimage="" border="none,8,gray" type=2 line=0 align=center use=ex num="0,black"]
دايمٍ تحتاج للصبر منا والثبات=وانتظار المقبله والذي راحت تروح
الزمان الشين والحظ الاقشر واقفات=في طريق المجتهد والمثابر والطموح
لكن اقوى من قويّ الرياح العاتيات=عزم من يصنع من العزم والايمان لوح
وما يضيّع وقته إلا كثير الالتفات=للورى ويقول ياليت ويعد الجروح
والامور اللي تجي بعضها متشابهات=لا بالاسم تبوح هذي ولاهذي تبوح
بعض الاحيان العمى في عيونٍ مبصرات=مايراها إلا البصاير بنظرات الوضوح
والامور الكايده من يراها هيّنات=كل دربٍ حط فيه القدم منها سموح
والامور الهيّنه من يراها كايدات=اغرقه ياسه وهو مالحق طوفان نوح
الموارد ماتجي كلها عذبٍ فرات=وامنياتك كفها الاجودي يبطي شحوح
وحرب الاعدا من جهه والظروف اربع جهات=وانت يابالجد في وقتها وإلا المزوح
والسهول لكل من لايحب النايفات=والسفوح لكل من لايحب إلا السفوح
والنوايا الصافيه والنوايا المظلمات= ما جمعها خالق الخلق في جسمٍ وروح
والغني لاجامع المال عبر البورصات=الغني من له من اللي يرافقهم نصوح[/poem]