[poem=font="Arabic Transparent,5,black,bold,itali c" bkcolor="transparent" bkimage="backgrounds/14.gif" border="none,4,gray" type=2 line=0 align=center use=ex num="0,black"]
يطول الليل بالشاعر وترقـب فجـره عيونـه=يقهوي الفكر من دلة قوافي الشعـر وأوزانـه
يغني هم وأحـزان ويترجـم خافـي شجونـه=يقلب دفتر الذكرى ويعطـي النـص عنوانـه
وهذا حال من نفسـه بكـف الغبـن مطعونـه=شرب كأس الهوى هم ومـلأ بالغـم فنجانـه
رحى الأقدار دارت به وخالف حظـه ظنونـه=وضاعت في قفار التيـه كـل أحـلام ريانـة
يهاب القادم الغائـب ويبكـي حاضـر دونـه=يطيح إن هو وقف وأعطى سهام الوقت شريانه
ألا يـا رأس لا تحنـي لدنيـا حيـل ملعونـة=ترى الدنيا ولو زانت بعينـك بعـد مرضانـة
ترى الدنيا كما الدولاب لا ما دار فـي هونـه=وبعد الضيق تلقى فسحـة الخاطـر وسلوانـه
ونـارٍ شبـت نهايـة لهبهـا يخمـد جنونـه=ويطفيها مطـر غيمـة تلـوح بخيـر هتانـة
وراعي الصبر لو هو مُرّ لازم تسمـع لحونـه=يغني من طرب واللي صبر ما تكثـر أحزانـه
وراعي اليأس يقضي العمر هم وغم ومتونـه=تـدك وينتهـي حيلـة ولا يربـح بميـدانـه
توكلنـا علـى الوالـي ولا غيـره ولا دونـه=مجيبٍ دعوة الداعـي رحيـمٍ بـه ورحمانـه
يفـوز اللـي علـى ربـه تـوكـل يطلـبـه عونه=ويخسر من يصد وطاع في ما قـال شيطانـه[/poem]


غانم بن جراد القرني