[poem=font="Simplified Arabic,6,black,bold,italic" bkcolor="transparent" bkimage="backgrounds/18.gif" border="none,4,gray" type=0 line=0 align=center use=ex num="0,black"]
الوقت يا سرعه و قو اندفاعه=على المتاعب والنكد والقطيعه
ما كنها إلا ربع ليله و ساعه=إجازة الشهرين مرت سريعه
بالأمس كلٍ قام يطوي متاعه=للصيف ناوي والفجوج الوسيعه
أحدٍ على الخلان زاد إلتياعه=وأحدٍ تهنى في جمال الطبيعه
وعدنا وفل الوقت فينا شراعه=مبحر بنا وأحنا علينا نطيعه
للهم يآخذنا و شمر ذراعه=ناوي يجرعنا صنوف الوجيعه
كنه معزبنا و كنا جياعه=وألا ضيوفه والموايد فضيعه
كلٍ يوادع من دقايق وداعه=أحد من حد السيوف البريعه
اللي قطع لأجله دروب القطاعه=لو عاقبة مسراه صوبه شنيعه
وين القناعه يا حدود القناعه؟=دام السعاده دون حد الفجيعه
ما نملك إلا قول سمعٍ وطاعه=ولا لنا بالوقت أية ذريعه
واللي مضت في ربع ليله وساعه=يا زينها وإن كان مرت سريعه[/poem]