[poem=font="Simplified Arabic,6,darkblue,normal,itali c" bkcolor="transparent" bkimage="backgrounds/1.gif" border="none,4,gray" type=0 line=0 align=center use=ex num="0,black"]
ماهي صدف وإن جت على غير ميعاد=لازم تجي لو غابت أيام وشهور
جتني وهي تختال والحله اجداد=يسبق خطاها فايح المسك وعطور
وأنا لها غنيت أيووه وابعاد=وما عاد بدري والأماكن ودستور
حسيت بأن الحظ بإقبالها جاد=وأن السعادة عانقت قلب وشعور
كني مع العيدين لي ثالث أعياد=أستغفر الله بس يا ناس معذور
ما عاد يا فكري بها موقف أحياد=وش تنتظر قم زين الدرب والدور
ما دامها تنساب صوبك وتزداد=رغبه تبي تعبر محيطات وبحور
خلد بها أمجاد من ضمن الامجاد=وأنسج بها أجمل تعابير وشطور
يحتار فيها حبر كاتب ونقاد=لو هو يحللها بصفحات وسطور
وإن شفت يا الهاوي لها صد واعناد=جنب فلا مثلك عليها بمجبور
ودك تجي سيد على كل الأسياد=وأكبر همومك تصبح إنسان مشهور
ما دام ذا جل أهتمامك والأبعاد=فأنت البطل جمهورك الصم والعور
لاتتعب أكتافك ثقيلات الأعتاد=يوم أنت ما عندك لها حيل وظهور
هذيك فكره ما تبي منك ميعاد=تبطي ولو حاولت أيام وشهور[/poem]