[poem=font="Simplified Arabic,6,indigo,bold,italic" bkcolor="silver" bkimage="" border="none,8,gray" type=2 line=0 align=center use=ex num="0,black"]
ياحبق وادي سقام ويا شذا ريحانه=يشتكون اهل الهوى ولكل شي اسبابه
وانت تدري يانسيم العصر في شيبانه=ديرة الضباب والمناظر الخلابه
ان لي قلبٍ عدوّه عقبكم سلوانه= والقلوب ويحسبون اوجاعها تتشابه
والخبر تلقاه عند عيونك النعسانه=واللي ابدى من ضحاياها شديد اعجابه
وادري اني عاشقٍ ما دار في حسبانه=ان عنتر مات واعطاها ادهمه وحرابه
ياعسل وادي غضار وخوخه ورمانه=الزمان اعتاد خذلان الفطين النابه
قلبك النسيان لايوقف على بيبانه=ثم يمكن وانت مالك قصد تفتح بابه
والله ياعامين مرت ثم للأمانه=يالطويله كنها همي وانا السبابه
ماتقول إلا اني اصغر طفل بين اخوانه=شوف ويش يصير لمّا يسرقون العابه[/poem]