[poem=font="Simplified Arabic,5,black,bold,italic" bkcolor="transparent" bkimage="backgrounds/18.gif" border="none,4,gray" type=2 line=0 align=center use=ex num="0,black"]
مرّ عمري مثل غيم مـرّ يا وجدي عليه=شمعتي ذابت بنار فوق راسي تشتعل
ما بقي لي غير ذكرى عمري المحسود فيه=صورة الماضي ببرواز التذكر تكتمل
ليت ماضي العمر في سوق الأماني واشتريه=واسترد أيام راحت واستعيد اللي رحل
أف من عهد التفاهة والمتاعب تبتليه=زاهدٍ عيش الرخاصة والحياة بلا أمل
كنت فجر نوّر الدنيا بما تحمل يديه=مشرق بالكون نوره لأجله الليل اضمحل
تالي نهاري بهذا اليوم ما كنت أبتغيه=لكن الدنيا منازل راح من فيها نزل
لو يعود الوقت كنت الدوم عنده وارتجيه=لو يعود ويرجع الماضي يحادثني الطلل
أبكي الماضي من أيام مضت في درب تيه=ودي بعودة زماني وأحسن بعمري العمل
المعاصي ضيعتنا خلت العاقل سفيه=ما يخسرني بعمري غير مدهال الزلل
من على درب العبادة راح عمره ما عليه=من مشى درب السعادة للسعادة قد وصل
آهـ يا وجدي على اللي راح ما جاء لـه شبيه=زهرة أيامي وعمري والخزاما والنفل
عمرك احذر لا يفوتك قبل موتك يا نبيه=ثم تبكي مثل حالي وأنت تشعر بالفشل[/poem]


محبكم غانم بن جراد