[poem=font="Simplified Arabic,6,green,bold,italic" bkcolor="silver" bkimage="" border="none,8,darkblue" type=2 line=0 align=center use=ex num="0,black"]
هلا بك عد همّالٍ هميله=على ارضٍ ممحلات وسال سيله
واخذ له حول عشر سنين وإلا=تزيد وهو في الوديان غيله
هلا ياشاعرٍ ماهو بحاجه=الى مدحي ولا لشهادتي له
علم معروف وسمانٍ بيوته=ولا فيها النطيحه والهزيله
سبقني بالوفا والطيب واللي=سواتي يسبقونه وش بقي له
اخذت آقلّب افكاري واحاول=اصيد من الشوارد وانتقي له
ألا يالشعر واللي بيننا انك=عميلٍ ما يقصّر في عميله
وبعض الناس ماتوفيه حقه=ولو بايّة طرق وايّة وسيله
سلمت ودمت يالشهم السنافي=ويامعشوق ناقضة الجديله
معادن وانت منها النوع الاصلي=واساسك واصلك اللي تنتمي له
اسجّل لك من العرفان بعضه=وبعضه ماعرفت من اين اجي له
ولو بن ساعده شيخ الفصاحه=بليغ القول لك ما يهتدي له
على ايّة حال ماتوّجتني به=شرف ماكان لو ما اوصلتني له
وانا المديون حتى آردها لك=ياوجه ابيض وياطيّب سليله[/poem]