[poem=font="Courier New,6,white,bold,italic" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
يا بنت ماني بمن تلوين كفينه=أو ذلّ نفسه ولو يبغى معك حاجه
والله لو طال ليل وما غفت عينه=ما ينطفي من هبوب رياحك سراجه
من عاش مرفوع راسه ماضي سنينه=ما ينحني عند بنت تبغي احراجه
يا بنت ماني غشيمٍ في ميادينه=الباخرة في البحر ما همها أمواجه
ماني بمن لافقد هيّن يقل وينه=رجلي بدرب السعة يا بنت دراجه
لاخطت سحابه وصدّ الغيم من حينه=نرقب سحابة بعذب الغيث ثجاجه
كل بيقضي مع الأيام له دَينه=والبيت يملاه ويزينه ديباجه
وإن ينكر الجهل للجيد عناوينه=ما تنكر الناس عنوانه ومنهاجه
يا بنت للبيت لو شفتي بساتينه=للحقل يا بنت لو جيتي له انتاجه
وإن كان تبغين أعرّف من تسمينه=باسمٍ يذكّر عراق الظلم حجاجه
أقول هذا الذي ما أنتي تعرفينه=هو من يشب اللظى و تصير وهاجة
هو من عطى المجد مجد وزاد تمكينه=لا تحسبينه وراك برجل دواجة
هو من يعلويه طيبه لو توطينه=هو من به الناس بالأمداح هراجة
لو طال عمره وظليتي تهزينه=ما طاح عندك بطيحة عالي أبراجه
أحسن لك أرخي وكبرك لا تبدينه=الكبر يغدي المرة بالعين منعاجة
والله ماني بمن بالذل تبغينه=يخسأ الذي يحسب إني راجي علاجه
ربي عطاني وحالي حالية زينه=المرّ لأهله ومن يبغي تولاجه[/poem]

غانم