[poem=font="Simplified Arabic,6,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
بلادي يا بلاد الخير يا دار الكرم والجود=ويا قبلة جميع المسلمين ومهبط التنزيل
حباكِ الله يا بلادي بشرع الله وآل سعود=وشعبٍ مخلصٍ وافي من أجلك ما يهاب الويل
سقى الله يا بلادي موعدٍ فيه الفرح موعود=على ذكرى بداية عهد وأمجادٍ لها تبجيل
بهذا اليوم يا بلادي نجدد عهدنا بعهود=عهودٍ ما يجيها لو تضيق الواسعه تبديل
وبه نرفع تهانينا مع الكادي و دهن العود=إلى حضرة جناب القايد اللي للصعب حلحيل
أبو متعب وريث المجد والعزة عريب اجدود=سديد الراي فكاك النشايب وقت حط وشيل
وامانينا عسى ربي يحقق همه المنشود=بحفظ أمن المواطن والبلد في صبحها والليل
من أفعال الخبيث الخاين المتعالي النمرود=جحودٍ منكر النعمه جزاه السيف والتمثيل
مروع آمنين الدار ما راعى الولد والعود=بحجه ما لها أصلاً بنهج اسلامنا تأويل
على مثله ترانا يا وطنا عزمك المشدود=نرد الصاع للخاين بصاع وله نزيد الكيل
ملبين الندا رهن الإشاره لو تدن رعود=إيلا منه دعى الداعي تحدرنا سواة السيل
ما دام إنا تحت ظلك ربينا والأمان يسود=وخيرك والكرم وافر من أقدم جيل إلى هالجيل
ومسافاتك بليا خوف نمضيها سهود مهود=من أقصى حد إلى أقصى حد من تسهيل في تسهيل
فعهد الله علينا من كبير السن إلى المولود=نصونك يا بلادي ما لنا منه و لا تفضيل
ولك نرفع أيادينا وندعي الواحد المعبود=مثل دعوة خليل الله لك في محكم التنزيل
ألا يا رب تجعل هالبلد آمن و خيره زود=وجنبنا دعاة الشر والتخريب التضليل[/poem]

وسلااااااامتكم ،،