[poem=font="Simplified Arabic,6,indigo,bold,italic" bkcolor="silver" bkimage="" border="none,8,gray" type=2 line=0 align=center use=ex num="0,black"]
الله يجمّل من يجمّلني ويالبيت الرصين=في موقفٍ ماهوب هذا فزعتك وش لي بها
على اعتبار ان الحضور يليق امام الحاضرين=وانا ادري الاصحاب لازالت على عهدي بها
مرت سنين وماتغيّر شي في هذ السنين=مع انّ غيري تشتكي من جفوة اصاحيبها
والحمد له والشكر ذا من فضل رب العالمين=والدّ الاعدا قبل اعزّ الناس يشهد لي بها
ياواحةٍ فيها الورود وعاش فيها الياسمين=واحلى شذا فوح الشذا منها وريحة طيبها
اهديت باقه منك واحيان الهديّه باقتين=لكنّ هالمرّه عزيزٍ ضيفي المعني بها
يامرحبا يامرحبا ياسيّد المتواضعين=عبدالعزيز ولك مكانه عندنا تدري بها
يختار مثلك بين قلبٍ يحتويه وبين عين=حبيبنا والدار قالت مثلنا حبيبها
يوم الاحد سته وعشرين الجميع معيّدين=بوجود بو مشعل والاول بشّر التالي بها
والنور نورك بيننا ماهوب نور الفرقدين=والكلمه اللي قلتها نعتزّ ونباهي بها
شهادتك لنا وسام وشاكرين مقدّرين=واذا حسبناها حسبنا الزود للبادي بها
سليل طيب ولاغرابه ياسليل الطيّبين=ملوكنا اللي قبل الادنى يامن القاصي بها
وابوك ابوه سعود والتالين مثل الاولين=واسمك على اسم الباني اللي وثّق اطانيبها
والمحتفى به يكفي انك انت وانّ المحتفين=اولاد اويس اللي تراحيب المطر ترحيبها
والعذر منكم والسموحه لانكون مقصّرين=المشكله لو مرحبا يقصّر القرني بها[/poem]