هذه مجاراةحب وتقدير بيني وبين الوالد الشيخ سعد بن محسن والد الأستاذ عبدالعزيز الزميل الدائم في مدرسة الفيصلية سابقا في بيشة
[poem=font="Simplified Arabic,6,black,bold,italic" bkcolor="transparent" bkimage="backgrounds/11.gif" border="none,4,gray" type=2 line=0 align=center use=ex num="0,black"]
هات القلم وأعطني ياخوك لا هنت قرطاس=في خاطري من بيوت الشعر ما جا مجاله
واكتب ومن بعدها ظرف وترسل بنوماس=للوافي اللي حروفي ما توفي فعاله
من وادي دحيم أنا سطرتها واحكم الساس=وابني بيوتي بها يسكن خويّ الشكاله
وارسلتها جعلها تاصل ولا ياصله باس=لبو محمد رفيق اللي فزع واعتزى لـه
سعد ابن محسن وانا احبه مع جملة الناس=صقر يربي على قنص الجمايل عياله
يا شيخ أنا أرجوك تسمحني فللقلب هوجاس=أقول بعض الذي في القلب وارسل حلاله
قدمت لي طيبة تجني الثمر كفّ غرّاس=ما دام يسقي غروس الطيب غرْب ومحاله
يا شيخ قصرت أنا لو قلت تفداك الانفاس=يفْداك رجّال يمينه تشابه شماله
بعض العرب قدرها لو شفتها تحت تنداس=وامّا بعضها تشوف الطيب من طيب فاله
لا هنت ياشيخ قدمت الوفا رافع الراس=جازاك ربي بجنّات الرضى والجلاله
والله يرعاك يوم الخلق في الحشر تنحاس= والله يعطيك يوم الحرّ مقعد ظلاله
والله يكفيك واولادك مساليك الأنجاس=وادعيه يرزقك بالجنّة ودار الكماله
والرد أنا ابغيه ياتيني ولا يحصل الياس=ما زين البدع غير الرد واوفى جماله
وابقى آترجى متى ياتي على وجه كرّاس=والكلمة الطيبة تاتي بديعه خلاله
واضيف تسليم من قلبي ولاني عنه ناس=ياصل عزيز على قلبي ومحزم جماله
عبد العزيز الكريم أروى شرايين يبّاس=يا سعْد من كان خوه وكان عمّه وخاله
وجه السفر والسعد ما عايش أهل التعبّاس=وأهل الفشل والردى واللي يحب الخماله
الصقر من صقر ياكم قيل في الناس الأجناس=لكنّه ابن ابوه وتاجر وراس ماله
ورث الشرف والوفا والطيب والدين مقياس=ما هو بذا يورثه جدّه وابوه الخباله
عبد العزيز ان كتبت الشعر واوصفه قرناس=أقول يا ليت صقر الوكر يفعل فعاله
وختامها صلوا على الهاشمي ما ملي كاس=من ماي زمزم وصلّى في الحرم من رجاله[/poem]
الشاعر/ غانم جراد عبد الله القرني
وادي دحيم 15/10/1422هـ
الرد من الشيخ سعد بن محسن القرني الحرجة
[poem=font="Simplified Arabic,6,black,bold,italic" bkcolor="transparent" bkimage="backgrounds/11.gif" border="none,4,gray" type=2 line=0 align=center use=ex num="0,black"]
طلبت ربي قبل فقدان الإحساس =طلبة ضعيف خايف من سواله
يغفر لنا الزلات لو كان هوجاس=ويدلنا للخير نهج العداله
وبعدها ارحب بشاعر ومحساس=ترحيبة الإسلام فيها اعتداله
ثم السلام عداد ماهبّ نسناس=على قبايلكم سلام تناله
فحبنا في الله ما جاه طمّاس=والساس ثابت مابني في هياله
من يذكرون الله قيام وجلاّس=عاشوا على نور من الله سهاله
نور الشريعة نور للناس مقياس=يهدي به الله كل من قام طاله
هو النجاه وخير ملبوس الألباس=يصبح به المسلم صدوق المقاله
فيا بو جراد ابحث عن الخير كالماس=في صالحك لو كان ترقى جباله
اقصد بها ربي ولا قدر قواس=فالشكر لله دايماً والثنا لـه
فالمؤمن الصابر ترى ما قطع ياس=يدعو إله العرش جلّ جلاله
يسهر جليل الملك والناس نعاس=ويعلم بعبده قبل يشكو بحاله
ف لله في كونه جنود وحرّاس =في طاعة الله دايماً كل حاله
فارزاقنا تجري ولو تحت الأضراس=واللي على الله مقتنع ما جرى لـه
هذا وصلى الله على خير نبراس=طه نبي الله صدوق الرساله[/poem]
شعر سعد بن محمد بن محسن القرني
بيشة