[poem=font="ms dialog,5,black,bold,italic" bkcolor="transparent" bkimage="backgrounds/11.gif" border="none,4,gray" type=2 line=0 align=center use=ex num="0,black"]
على وين يا قلبي على وين = على وين ودروبك مطبات
شربت العنا مرٍّ وبعدين = عرفت إن بعض الحب نكبات
تعدي الحدود تهرب اثنين = وهيهات تقدر بعد هيهات
أقول انتبه يا قلبي ألحين = ترى غلطة الغالي بغلطات
زمانك تبدل وانطوى سنين =ولا عاد شيء من زمن فات
تصبر ترى صبر الهوى زين = وتلقى المنى في الصبر بالذات
وعش حلمك الوردي لبعدين = وبالخطوة تقرب مسافات
على وين قل لي لو على الصين = وأدلك على درب السهالات
ترى اللي ترى عينيك حلوين = تحلوو بمكياج وموضات
ولو كان تدري وش مخفين = كرهت النظر وشنيتها صفات
الأيام حبلى والزمن شين = ترقب ولادتها بما جات
وريّح عسى الدنيا فدى العين = فللدهر دورات ولفات
ولا تحسب العالم مقفين = يحبونك أحياهم والأموات
وجرب وشف من عاشقك مين = مادام المحبة بانتخابات
فغيرك يصوت له بصوتين = ولك دون غيرك عدة أصوات[/poem]