[poem=font="Simplified Arabic,6,purple,bold,italic" bkcolor="skyblue" bkimage="" border="none,8,gray" type=2 line=0 align=center use=ex num="0,black"]
ليت لي قلبٍ عليه من الهموم حراسه=مثل حراس القصور اللي على البيباني
قلبي اللي لو يردّ جيوش من هوجاسه=هاجمه من الجهه هذيك جيشٍ ثاني
الهوى من حس في قلبه بقطع امواسه=لايلومه من ينام الليل نومة هاني
الذهب له عاشقين وعاشق الالماسه=لو فقدها غير عمّن ينجرح ويعاني
واعتباره ميت اللي مات فيه احساسه=وان تناساني طبيعي ليش ما ينساني
بس لازلت احتري علمٍ يجي من راسه=وآتعوذ كل وقت وحين من شيطاني
لايقول الشعراء من طبعها حسّاسه=ماحدٍ غيره ذرف عليه دمع اعياني
الغلا لو ما يفصّل له على مقياسه=لايقول اذا قرا لي شعر صح لساني
الهوى من كاس غيره والهوى من كاسه=مالقيت الفارق إلا بعدما سقاني
مفلسٍ في سوق الاسهم مايهم افلاسه=ان ربح من وصله اللي ماحصل ثواني
راعي المليون جرح انا 0 ومن نحاسه=صوّتوا لـ بن فطيس وتركي الميزاني[/poem]