[poem=font="Simplified Arabic,6,darkred,bold,italic" bkcolor="silver" bkimage="" border="none,8,indigo" type=2 line=0 align=center use=ex num="0,black"]
نزولها عن مستواها يعني الصعب المحال=ما ود من تسكن عيون الناس وعيوني تطيح
عزيزةٍ والعز يلبس صاحبه ثوب الجمال=الله يسامح كل من لايعجبه والله يبيح
النفس لو ما عزها الرجال هانوه الرجال=إلا الوضيع اللي على نفسه من الرفعه شحيح
وهذ الزمن وبكل اسف تقدر على صعب المنال=اهم شي انك تجيد اسلوب الاطرا والمديح
إمدح أو اكذب مثلها بالظبط وجهين الريال=وان بان لك هذا جميل وبان لك هذا قبيح
وابطى جواب اهل الصحافه ما سمعته والسؤال=الحنظله في رايهم والشوك 0 ريحانٍ وشيح
فوضى مجرد شكل لا معنى ركاكه وابتذال=والنقد عادي ما يهزك ياجبل عاصف وريح
الشعر يااهل الشعر ماهو كل ما يمكن يقال=ولا يهم انك تقوله بالنبط و إلا الفصيح
وياللي من اجل النشر تكتب ياقصيده يا مقال=مره بالاسم المستعار ومره الاسم الصريح
الباب لك مفتوح وادخل من جنوب او من شمال= لكن تأكد في النهايه 0 مايصح إلا الصحيح[/poem]