[poem=font="Simplified Arabic,6,darkred,bold,italic" bkcolor="skyblue" bkimage="" border="none,8,green" type=2 line=0 align=center use=ex num="0,black"]
الصبر يوم انه رفيقي قبل يعطيني قفاه=اتجاهل الموضوع ما له داعي التفكير فيه
يشكي لي اوّل كل من له صاحبِ صد وجفاه=واقول له يروح ياخي ليش متندّم عليه
اثره صحيح الجمر مايحرق قدم من لا يطاه=كنت احسب ان اللي يقوله قبل اجرّب مفتريه
واللي عليّ اخطا مسامح واسمح اكبر من خطاه=وادعي على الظالم وهو ما ودي الله يبتليه
غلاه ماهو بس هو في قلبي اكثر من غلاه=ليته يوصّف وآتكلم يالساني وصّفيه
الموعد اللي فاتنا قد قلت له جعله فداه=يجي بلا موعد ويلقاني على طول احتريه
الما 0 يهون 0 الانتظار اللي ترى يذبح ظماه=واللي عليه آمون والناس الامينه ما تجيه
ما عاد باقي في يديّ إلا آخر خيوط النجاه=والله يعينه ماسك آخر خيط منها في يديه
يشد مكسور الجناحين الحنين الى سماه=والطير له ممن شكوا مرارة الفرقا شبيه
حلفت لو جاني رسوله ما انشد إلا عن رضاه=لعل ماله قصد وإلا شي ثاني مدّعيه
الانفعال اللي يصل عندي الى اعلا مستواه=لو فسّروه يفسّرونه بانفعالات السفيه
ما حبوا إلا نانسي عجرم على ذيك القناه=مايعرفون البدو والحب الحقيقي والنزيه[/poem]