[poem=font="Simplified Arabic,6,indigo,bold,italic" bkcolor="silver" bkimage="" border="none,8,sienna" type=2 line=0 align=center use=ex num="0,black"]
ضيقة في صدري الله عالم ويش آخرتها=يمكن ان راح السبوع ولا انتهت تقضي عليه
لو درت من هي سبب هذا العنا عن منزلتها=في فوادي كان والله ماتبادر بالخطيه
اقدر اصبر واقدر آجامل ولكن زوّدَتها=كنها جراح قاسي واطلبه يرحم شويه
ليتها يوم انها راحت محبتها خذتها=غير خلتني على ماني عليه انا وهيه
ويش اقول ان كان قالوا قل لنا عن سالفتها=والحكي والصمت اصابعها على ذيك البنيه
مشكلتها ما تفاهم0 بس هذي مشكلتها=دايم متهوره وإلا الذكا بنت ذكيه
بالسهوله تلطم الوجنه وتقطع سلسلتها=يوم تزعل وان رضت عشنا سوى عيشه هنيه
والدلع والغشمره من صغرها مابطّلتها=لا تزال تعيش طفله بالدلال وهي صبيه
مهزلتها جدها والجد يشبه مهزلتها=ولا تحب اللي يخالف رايها هالادميه
وآخر الموضات في سوق الهواتف مشغلتها=وافخم الساعات في يدها اليسار سويسريه
وكلما سمّعتها بيتين فيها واعجبتها=قالت انت تقول في غيري وانا وش قلت فيه
ما تصدّق شكها يسبق من الغيره ثقتها=خوفها اني جامع ثنتين في قلبي سويه
والمصيبه غادرت في صمت 0 يعني كمّلَتها=ليش لا ما ينصدم من حبها صدمه قويه[/poem]