الأخ /راجي الوصل. صح لسانك على القصيده رائعة المعاني .استبيحك

عذرآ للمجاراه. عسى أن تحوز على رضاك والإخوان كافه :

[poem=font="simplified arabic,6,blue,bold,normal" bkcolor="transparent" bkimage="backgrounds/4.gif" border="groove,4,burlywood" type=1 line=0 align=center use=ex num="0,black""]
ياراجي الوصل. قطع الوصل وش كاره =لولا الأمل كان قبلك طال مشواحي

قافك جذبني وجيت موجه الطاره =أبرا لخطك يبين ومرتن ما حي

ذكرتني خشف ريمن بأول الشاره =لوكان مسراح رجلك غيرمسراحي

كلن على يمته ورده و مصداره =والقلب طيرن يلوح له بملواحي

في شفهم كم رقا "بارود"من قاره =عيني على ذودهم سرحه ومرواحي

إليا أقبل الذود قلت الخير بكباره =وليا إنتحى قلت حظي وقف وطاحي

إقبالة الذود كنها عندي بشاره =وإقفايته دمعتن قاطورها ساحي

كن ثومة القلب تسحب فوق غداره =وخالف الرجم لا ذهلن ولا صاحي

أجبر عزا خاطري ويكود جباره =يومي به الهم. وأومي له بمسباحي

خمس سنواتن مواصلهم بقطاره =سلام راس الشهر وأفلح مع الضاحي

صبرت وأيام رب الكون دواره =تبدل العسر يسر وزانت أفراحي

والله يبيحك نفضت الخرج وقشاره =ياراجي الوصل"ذنبك جعله مباحي
[/poem]
تقبلو تحياتي

أخوكم/ بارود العجمي *