قصيده للاخ الشاعر/
علي بن هندي القرني يوم الخميس 6/8/1432هـ نالت اعجابي فنزلتها وشدتني للمجاراة
ان شاء الله تعجبكم
نوّ(ن) تهامل مزونه تـروي الساقـي
يا علّ قلب(ن) ضمى تروي معاليقـه
لا جا نهار اللزوم آقف على ساقـي
وآسلّي الـي بـلاه الهـم والضيقـة
وليا عطيت العطا مـا ادور الباقـي
ازيد من حر مالي ما علـيّ ضيقـه
ما دام رب العبـاد مقـدر ارزاقـي
اعطي ولا همنـي جمعـه وتفريقـه
امشي مع الطيب الي وافق اخلاقـي
ما ادور الي ليا ضاقت نشف ريقـه
والحاسد اللي رماني ما كسر ساقـي
النـاس تعـرف تماثيلـه وتعليـقـه
لا من عزمت المسير ارقى مع الراقي
علمني الوقت ما أنشب فـي معاليقـه
كسب الجمايل مناي وغاية اشواقـي
والي حسدني فانا ما احتاج تصديقـه
~~~~~~~~~~~~~~~~~~~~~~~~~~~~~~ ~~~~~~~~~~~~
المجــــــــــــــــــــــــــ ـاراة مني
حي الله اللي على الطولات سبّاقـي
في مجلس العز عزّه مـن مطاليقـه
اقولها صدق مـا يحتـاج ميثاقـي
وان قيل وش قلت طلعنـا مواثيقـه
بو طارق اليوم نوره يشرق اشراقي
قصيدةٍ من صفـا بالـه وتنسيقـه
الهيض من غيض والابيات تنساقي
ما يتّخذ من هزيل الهـرج تلفيقـه
ريح الشتا يا فتا تعصـر بالاوراقـي
امّا الجبل صعب ما تقواه و تطيقـه
تجنّب اللاش واتـرك كـلّ بوّاقـي
اللي يـدوّر لنفسـه كـلّ توهيقـه
يا كم مريض(ن) معا راسه مية راقي
غشوه واسقوه مُرّه مـن مساحيقـه
الكفو شـرواك كلّـن فيـه توّاقـي
والكنز للكنز ما يطـرون تسويقـه
~~~~~~~~~~~~~~~~~~~~~~~~~~~~~~ ~~~~~~~~~
حبيت تطلعون عليهاوسلامتكم.
تعليق