((مشاركتي مجاراة مع مداعبه ما توصل مستوى شعّارنا الكبار لكنهم عذاره))

[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اسمحوا لي واصبوا لو حصل مني جفا=وان تجمّلنا فمنكم جميلي مستمَدّ
حلمكم من علم والعلم طالع من صفا=من؟ بنا بيت الشعر لا طناب ولا عمد
لو تهب الريح شفنا جنوبه ترجفا=مسّوا حباله ومهما تزعزع ما يمدّ
يا بجاد ويا حمد وابن ظافر واقفا=والمداوي رابع القوم في الموقف صمد
من تغدى نصف حاشي تعشّا منسفا=نعمة الله باسله كل رجّالن حمد
راح وقت الجوع والخوف وايّام الحفا=نصفنا شيخان والنصف ندعيهم عُمد
والعلوم الطيبه جعل ربي يلطفا=غرنا وقت الرخا لين جا طول الامد
اعلنوها صلح ما فيكم المتحسفا=كلكم غالين وابليس في جحره خمد
ما حلا بيتين من شاعرن ما ولّفا=قال ما قاله وقوله مقال(ن)معتمد
ما نفرق بينكم والقمر ما يكسفا=السيوف الصيرميه تعوّد في الغمد
[/poem]