[poem=font="simplified arabic,6,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

هلا مرحبا يا الي له الجاذعة تنحر=وصيته مثيل السيل نفرح بمدقاله
هروجه سمان وغالي اثمانها وندر= تولع بفعل الطيب والصدق منواله
نعزه وله بقلوبنا شان ومقدّر= علومه جزال وشاهدي شوفوا اقواله
تنشدت يا بارود عن خوك هل من ضرّ= وانا ابشرك ما به خلافٍ علا حاله
جزا الله بٌعدي خير خلاّ الذهب يظهر= تجمّلت بسوالك وكلٍ على فاله
تسجّ البشر والوقت يمشي وحن ننظر= حدانا على رزقه شقى يطرد رياله
وناسٍ تحاول تسبق الوقت دوم تفر= وعند الله المكتوب سبحانه الحاله
ولا ردني عنكم خبيب الفلا والبر= ولا صيد بحر ولا ترانيم موّاله
وعذري يعذرني ولو كان مالي عذر= شهرنا الفضيل الكنز مدفون بخلاله
نحاول نصيد الوقت ونزيد بذل البر= بوقت الفتى يبني دراجه وبامواله
وانا من قصيدك يا طويل العمر مغترّ= لقيت الشرف والعزّ ذا الناس تحيى له
عسى ما يجيك الشر يا شيخ دوم العمر= ويجزاك خير وكلّ ميقاف برجاله
ولا شك فالعجمان كالشمس وقت الظهر= اذا بينت كل البشر نورها ناله
تواريخ ما تفنى نواميسهم تنشر= تعالم بها العربان والوقت واجياله
يا بارود والله لو كتبنا بماي البحر= ما نوفيك حقك لو نصبهّ بمكياله
تحياتنا لك يا كحيلان سمن وبرّ= جميلك كبير وليت الامتان تقوى له
[/poem]