[poem=font="simplified arabic,4,black,normal,normal" bkcolor="transparent" bkimage="backgrounds/1.gif" border="none,4,gray" type=1 line=0 align=center use=ex num="0,black""]
خلي البكا عنك , جف الدمع بأهدابك=ماعاد ينفع رجاك ولو ترجيتي
قبل تشوفين دمعك ويش سوابك=شوفي وش اللي مع الايام سويتي
رحتي لوقتك , وخانك وقتك وجابك=لاتقولي إنك عشان الحب رديتي
عوّدت قلبي على فرقاك وغيابك=كل ماسألني اقول إنك توفيتي
اللي قبل كان يكتب بك ويقرابك=في عز ماكان محتاجك تخليتي
هواك كذبة عمر عاشوا بها احبابك=كذابه ان قلتي انك يوم حبيتي
كل الدروب / الوداع ان مرت فبابك=وكل الاماني / ضياع اليا تمنيتي
وجهك ذبل , جف غصنك , طارت اسرابك=مثل الشقا يوم مر القلب مريتي
لو صدق كانت دموعي تحرق أعصابك=ماكان خنتي وفا قلبي .. وتضحيتي
زرعت حلم الزمان ومات فترابك=واغراك صمتي عن البعد وتماديتي
يكفيني اللي خسرت وضاع بأسبابك=شكراً على الحزن .. كفيتي ووفيتي
انا انتهت بك سنيني , مقدر ابدابك=ودعت الأوجاع من رديت عافيتي
وانتي تركتك على آخر سطر بكتابك=ذكرى رحلتي عن البال وتلاشيتي
لو سامحتك السنين ودمعة عتابك=ماسامحك حلمي اللي فيه ضحيتي
ولو كنتي العمر ماعاشك وغنابك=قلبٍ تركتيه للفرقا وصديتي
ردي على الحزن انتي حزنك اولابك=جيتي حزينه .. وروحي مثل ماجيتي
[/poem]