تويت
لا تأخذ القلب يالغالي وتقفي به!!!!
لاتاخذ القلب يالغالي وتقـفي بــه
عالجه ..ولا بدون أمر... أطلبك رده
***
إن كان طبّـه معك ولا ..لاتشقي به
تراه مايحتمل ..زود (ن) ولا صـــّـــده
***
يارحلة الشوق والأشواق إسري به
وديّه لأقصى مدى..في قلب من ودّه
***
حبيت قلبي ..فلا تفــكـر بتـعــذيـبـه
ما جاه يكفيه ...كافي لا تجي ضّده
***
قلب(ن) عشقني ..وأنا والله ودّي به
مليّت من غربتي.....مليتها الوحده
***
بنات فكري مع الهاجس تماري به
تــفـنـني ياحروف الشعر ...في وجـّـده
***
جداول الما مع غصون الهوى تجيبه
وأرسم من الحب له (...)على خده
***
مكتوب حبّه على قلبي وأهذري به
ترى الهوى جّد ...لابإيدي ولا بيده
***
تمرّد الشوق... كل صار يدري به
والقلب سلمّ براياته ولــه مــّـده
***
والراس لوشاب مالومه على شيبه
وشلون مايشيب وظروف الزمن ضّده
***
إن غاب عن ناظري عـزاه ومصيبه
فراق الأحباب.. يفني العمر ويهّده
***
إن قلت أسيبه ..فوالله ماأقدر آسيبه
أدمنت و أدمنت.. وأدمنته ومن قدّه
***
يحلا بعـيني ..ولـه عـز(ن) وله هيبــه
والقــلب محتاج له.. يدراه ويــوده
***
ما بان لي فيــه ...لا زلهّ ولا عيبه
رفيع شان ن ..ومن رافقه ياســعـده
***
تسابقت في عيوني نظره مـهيـبه
ورياح حبه خذتني يمـّـه بـشـّـده
***
لا عاش بعد الغلا ..لاعاشت الغيبه
لاعاش سيف الهوى ياناس من بعده
***
لا بايع ن في الهوى ..لا نيب شاريبه
لبى غرام(ن) وصل في قلبي لحّده
***
يهزنيّ الشوووق للغالي وأهلي به
حلال قلبي عليه.. ولا اطلب يرّده
***
تعليق