تويت
ابيات مقتبسة من بعض القصايد حكم وامثال ومواقف ومن الابيات القريبة من قلبي
-----------------
يالله ياعالم خفا هبت النود=اللي توجه بالسحب من مناشية
بارك مخيلٍ جاله ارعود وابروق=واسق الديار المسنية من مراهيه
----------=
افتل الحكمة واصيغ احلى فرايد=ما اتسمع هرج ناس في الروادي
والبحر عندي ليا ما هاج بايد=والبحر مايومن لا عاد هادي
من طبايعنا ومضمون العوايد=غمرنا في راس ريع الطيب بادي
-----=
ان صرفنا يشهد الله مانقصنا من الرصيد=وان مشينا ما تضيقبنا المعابر والوي
ولانتزلج لاحدنا الوقت من فوق الجليد=ثابتين في مكانٍ بالشهامة محتوي
----------=
المزون اشوفها لكن مافيها رعود=والبروق اشوفها لكن تبطي ماتلوح
والسنة وايامها مابين بيض وبين سود=اصبح الحاضر بخيل وصار على الماضي ينوح
----------=
الشعر ما يحتاج شكٍ وتطريز=لكن قول انسان يثبت بالأفعال
والقوة اللي مالها جيش تعزيز=يخسر عليها صاحب الشان من المال
------------=
ودعتك الله والله ايكون واياك=والله يتمم لك حياتك سعادة
اهم شيءٍ عندي العذر وارضاك=والله يفكك من حياة النكاده
-----------=
يا سامعين الصوت نظري تشتت=مابين حسّاد الديار وفسقها
ونخلة افكاري من الهم حتت=واعذوقها مالت وهلت غسقها
------------=
الله اكبر يازمان الشقا مرك حلا=كم نوخت الركايب وقطّعت السيور
لين جرع من نوى للقاء غيرك بلا=وابتدى دوس الصعايب وودعت السرور
في زمان فيه وضح النقا جرك على=فعل ماتبغى الحبايب مضيقت الصدور
-----------=
من قل مافي يدي من الناس متخبي=والراس يومي لحاله ماله اجنوبي
والشعر تعبير لأهل الطيب ينعبي =لا وصل مندوب شاعر جاه مندوبي
من هيضي اللي بوسط الصدر متربي=مع هل العرف والطولات محسوبي
مانيب لاعنترة ولانيب متنبي =لكن يعرف بنا جدري من الطوبي
وامشي مع اهل الكرم لو كنت متحبي =ولا اتعذر الى منّه حصل نوبي
-------=
ماكل من طب وسط البحر في البحر عام=ولا كل نفسٍ تعوم بساحة اغراقها
------=
يامن ملك قلبي وروحي ومن لم=شمس الغلا في ظل وقت الصبوحي
خليتني ياميتم الروح في اليم=وانا على شانك عذلت النصوحي
واليوم انا اشرب من قراح الهوى سم=حتى شجوني من فراقك تنوحي
لكن سلم لي على الروح واسلم= ياراعي الوجه البشوش السموحي
----------------=
ما اتعذر من المطاليب من قل القروش=طلبت المحتاج غصبٍ علي اتمها
-----------=
النخل من شدة القيض خاوي ع العروش=والمساقي من الحسد مايفيدك كمها
-----------=
غابت الشمس عندك توها في الشروق=واظلم الليل توي ماعرفت اقتدي
والطلب بالمقابل حق والحب ذوق=وانا من كثر حبي فيك قل اجهدي
مايدن الرعد من قبل لمح البروق=ولا يحت الورق من غصن عودٍ ندي
مير لا كبرت القمة تضيق الحلوق=والحقايق تبين اليوم والاّ غدي
-------=
وين بتروح مني يا اريش العين وين=وانا مابعت حبك يالغضي واشتريت
غير هذا ترا لي عند حضرتك دين=تذكره ياخفيف الدم والاّ نسيت
كان ودك يبين اللي تبي مايبين=حاول انك تزعلني ليا ما رضيت
والاّ تبغى حروبٍ مثل بدر وحنين=والاّ صدام يوم احتل شعب الكويت
رغم هذا رفعتك بالكلام الثمين=والمعاني تراودني مع كل بيت
-----------=
انا اجمع افكاري كما تجمع الذود=واسوقها واعن منها الشرودة
شاعر يقود الشاردة من الشعر قود =ويشدها شد الجمال الشدودة
قصايده ماهيب شعل ولا سود= مثل السحاب اللي ترازم رعوده
لاهب نسناس الهواء واقبل النود =هلت مزونة وارتكت في عدوده
----------=
انا مريض وحالتي حالة الشين=بالله يادكتور وين انت عنها
امّا تعلمني بغيرك مداوين=والاّ تشيل اللي معذبك منها
والاّ اشرها ذمه ومسموح في الدين=وانا ادري انك ما بترخص ثمنها
------------=
ياليت حبك ما سكن قلب مغليك=لأنه سميح ولا يحب المذله
وياليت ما يجذب عيون الفتى فيك=ماهوب فيك ولا فوادك محله
----------------=
لا تلوم اللي يدور للوصايف=المعاني غامضة والشعر قصة
والغزال اللي رعى روس النوايف=لا ورد بيّن على الميراد فصة
اقر علم الصدق واسمع للطرايف=وان سمعني منك بيت الحب وصه
قل به انسانٍ يحبك مير خايف=ترسل احروف الكلام اللي تغصة
----------=
ليت غدرك يا زمان الشقا بأغلى صديق=ما يفرق بين حب القلوب الصافية
والله اني يوم شفته طلع من القلب ضيق=وإنها دبت بروحي عروق العافية
وان قدره في فوادي مع حبه عميق=والظواهر بيّنت ماتكن الخافية
----------=
يامن جهل معظم نوايا حسابي=تبقى حليمة ع العلوم القديمة
وانا بجهز عدتي والزهابي =واشد من داري وتبقى حليمة
سواة من هاجر ولله تابي=واقلع عن اذنوبه وشد العزيمة
وانصا رجال الطيب من كل بابي=اللي لهم عند الرياجيل قيمة
واللي مواقفهم تدل الملا بي=وافعالهم تشفي الصدور السقيمة
-------=
في واديٍ فيه المزايين مريت=ابغى اتفرج في منابع مغيلة
وشفت زولٍ يدرج من ورى البيت=كنه غزالٍ راتعٍ في مسيلة
-------------=
لا والذي سماك بأسم اخر الليل=واول نهارٍ طلتك فيه كالشمس
ما انساك ياراعي العيون المعاسيل=اللي تداوي علة القلب باللمس
وش عاد باقي لا ذكرت التفاصيل=يأغلى وليفٍ يشرح البال بالهمس
-------------=
قلبك الهش من دونه ضلوعٍ صليبة=جعل حلو الكلام اللي يجيك ايهشمها
لأجل ماترسل احروف الكلام الغريبة=واتذكر وعدك وكلمةٍ في عشمها
--------------=
قريت الكتاب اللي بخط القلم مكتوب=لقيت الحروف اللي على البال مكتوبة
وانا في هوى الغالين بالمعرفة مغصوب=اعن البيوت اللي تشوفون مغصوبة
------------=
الله اكبر يا فوادٍ صامدٍ قد التحدي=في جسد شبه الغزال اللي صواديفة تلوفة
ما تغير موقفة ولا بحث للناس سدي=ولا حرم عينٍ تطيع القلب من لمحة وشوفة
--------------=
انا بعد ماشفت العيون النواعس طرت=ولعاد ريش الحب يثبت محله
وحطيت صدري لك فلسطين يا اولمرت=تفضل وصدري شعب كامل وحله
--------------=
مدري متى يأهل الهوى بيتشافا=جرحٍ بصدري قدله اشهور واسنين
صارت عروقة من همومة تحافا=من بعد ما فارق علاج المداوين
والحب بابه في الحقيقة مجافا= من يفتحة ينعد ضمن المجانين
حتى ولو ما كان فيه اختلافا=لا بد يضعف قلب راعية ويبين
----------------=
يا حبيبٍ وسد الروح والحفها هموم=مايموت القلب مادام باقي الراس حي
اعترف لي واعترف لك ولا تبطي كتوم=اسألك بالله وش سلط اسهومك علي
واعتبرني وافيٍ في مطاليبك عموم=واعتبرني شاعرٍ في تواصيفك وفي
-------------=
يالله عساها ترد بنظرها فية=واقرا الحروف الخفية عند نظرتها
اخدودها من شعاع الشمس مكسية=ويش عاد لا اشرح لكم تصميم وقفتها
----------------=
مليت من صفعات الأيام مليت=ما عاد به صبرٍ ولا عاد حيلة
والهم شيد له بوسط الحشا بيت=واثبت وجوده والملامح دليلة
--------------=
الحب له ناس حصادة وزرّاعة=والنفس تعرف من النظرة مباديها
ان كانها جات هدّاعة وودّاعة=الله والاّ عسى الله لا يحييها
وان كانها جات دوّاعة وطماعة=صعبٍ عليها تحقق كل امانيها
ان مسّها الضر صارت نفس جزّاعة=تشكي وتبكي ومشكاها لباريها
وان مسها الخير صارت نفس منّاعة=هذي الحقايق بذكر الله قاريها
-------------=
كم تعرضنا المتاعب ولفحات السموم=وكم تعرضنا القوايل وحر اشماسها
---------=
جنو سود المذاري تحتلي للمريد=والفتن بايرة وتجور بأصحابها
والحقيقة تبين بصفح وجهٍ جديد=وكلمة الحق مابيخيب طلاّبها
----------=
العد لاما عاد معروف وازلال=ماننجبر نارد على مجهول
والسيل لا حدر من الجال للجال=يروي ضما واديه لو كان منقول
ويصير من بعده مراهي وغيال=واعيونه اللي تنبعة من الخطا حول
-----------=
بحر الوفاء ما تزيد وتنقص امواجه=خوفٍ تخل المحبة من تموجها
واللي يقول الحقيقة عارف اخراجة=لو كان كل البشر تنشر برامجها
------------=
ان كان تنحاني علي الملازيم=ماسمعت اذنك يابن الأجواد شايف
لا تحسب ايدينا ضعوفٍ مكازيم=ليد الكريمة ماعليها كلايف
والحمد لله ثابته بالوازيم=ولا يقصرها العميل المزايف
ماهمنا هوش الشبول العوازيم=ولا همنا نظر العيون الكفايف
------------=
ازبن بروس النايفات الصعاتيم=ولا تراوغ في الدروب الصعيبة
واصنت وفسر مفردات التناتيم=واكتب على اصفاح الوجيه الشحيبة
ما تكسف النظرة خشومٍ رعاتيم=لكن واجهتك بعزة وطيبة
ولو ما وثايقكم عليها تخاتيم=مصيبة ياكبرها من مصيبة
-----------=
ناسٍ هماج الشعر تقدر تحلية=وناسٍ تصدر من الكثيرة قليلة
وناس تحوف الطيب من عند تاليه=وناسٍ توشي من الشرارة فتيلة
------------=
الحرب ياتي فيه قاتل ومقتول=واحنا نحدد وسمنا في الضريبة
واللي يعاتبنا في الشعر مسفول=وان عاد نضرب في صميم التريبة
واشعيل باقي عن هل الطيب معقول=والى هدر تسمع تلاحيح نيبه
---------=
حد ما للصوت في جانب الشاطي لجيج=ما يغير مقصد المستمع صوتٍ حزر
انشد اللي حيك الثوب عن خيط النسيج=وانتبه من نظرة اللي يناظر ويخزر
واقطف اسمان المحاريف من زوج بهيج=ما على نفس ابن ادم من الأخرى وزر
وخلها تفوح المعاني بمنتوج الأريج=لا يتصاعد في معاليبها نطقٍ هزر
----------=
اقن المدق ودق ملقا الحلق دق=واطلق ذلوقٍ تلبق الساق بالساق
واقفل قوافي القاف بالقاف الأبلق=متقصدٍ شقف الحدق فوق الأوراق
-------------=
صح لو غصت البحر تدري ان للبحر قاع=وصح لا مديت نظرك تشوف اعلا الرجوم
-------------=
ما تفرّح لقمة الخبز من كانوا شباع=ولا توقف كلمة الغدر رجّال عزوم
----------=
السديسة تختلف عن الثنية والرباع=والهزيلة مالها عندنا في السوق سوم
------------=
دلبحت صفر المناوي واغسقت بيض الصدور=واعتقت شرف النوايا من نوت زحلاقها
عقب ما دمّت ذخيرة حقنها بين السطور=امنتها كف طيبٍ تحتسي لإطلاقها
--------------=
والله ما اشرب مع اللي يشربون الربيد=والعدود الرهيّة ادل مشرابها
ياعميلٍ يهابد في روابعه قيد=الجمال اتهادر بازغٍ نابها
والصقور اتعلا لا نوت للمصيد=وانت نفشتك ريشك تو مخلابها
-------------=
انا بنسج لك بيوتي لا تحسبها خيال=مانسجت ابياتها من قطن والاّ من سلوك
ويشهد الله مايشيب القاف عندي مير طال=لا تحسب ان الشمال اتهب من داخل تبوك
---------------=
من حل وادي الجرب دن الجرب شاته=ويشوف عيب العباد ويجهل اعيوبة
لكن هات الشوارد والخفي هاته=والنار في ساحة الميدان مشبوبة
-----------=
ياقلب من كثر العنا لا تحايد=ما دام وجه الحق ماقد تلطش
واصبر على ما جاك فالعمر بايد=وايد الوفاء وقت الشدايد تبطش
------------=
البنادق ذي تثور اليوم دون ازنادي=الهدف قدامها بس الدغاغ ايحوفه
ولو تعاون مابقي من جيش في بغدادي=ما يكون الجيش الأمريكي بعد في الكوفة
-------------=
ان كان عدك يوشف للبساتين=فلا ترد النظر والشك فينا
قدّر مكانك وناظر جيت من وين=وخلك على دربنا من حيذ جينا
-------------=
دربٍ تتابع فيه وسم المقادم=ما انته بواصل حدنا فيه لـلــه
ان كنت من نظم المحاريف عادم=خلك مع دربٍ سميحٍ تدله
-------------=
ترا طلوع اطويق غير انحداره=ومواجهين الريع غير المدابير
وليل الشتاء لا طال يقصر نهاره=والصبر يفرج مكربات المعاسير
والنار دايم تبتدي من شرارة=امّا نهايتها خساير وتدمير
فلا يتفاخر لابس الثوب عاره=ولا يتكبر من يحوش الدنانير
ولا يتوسل من يصدر ثمارة=والبر عنده في الثمايل مصابير
---------------=
انا مهاجم عارف العب والقول=العب مع الغالين في كل نادي
لكن ماني عن خطا الشعر مسؤل=لاما دعا اللازم قبست الزنادي
والسيف في اليمنى محنى ومسلول=سيف ٍبريعٍ من سيوفٍ حدادي
والليل قبلك يابن الأجواد والهول=والصيف لاتدور بيومه برادي
---------------=
ماهمني بحلاق عينك والإرماش=توي توقف مثل كل السواري
افهم كلامي وافتش البيت فتّاش=وخل القوافي بين بايع وشاري
لاتشب نارك والحطب عندك اقشاش=ولا اترجا ثوب من شخص عاري
-----------=
ماني مسمّح غصن والساق منعاج=ياللي تحسب الفايته وتحسمها
-----------=
يازين عصم تبيّن لابس الموه=في جال رجل على المقناص شفقاني
في ديرة بالنفل والمسك مكسوّه=تشفي فوادٍ من الصكات متواني
------------=
من يعرف الجدي والاّ يعرف اسهيل=والاّ يزود على السبع العجايب
ايزيد بالكفو من بين الرياجيل=اللي الكرم ساسهم غمرٍ وشايب
-------------=
ترا الحصيني لو سلك مسلك الذيب=والله ما ياصل مواصيل صيتة
ماني بكهانٍ ولا عالم الغيب=لكن ما اجهل في طريقٍ مشيتة
------------=
مادام راعي الوفاء ما تقطع ابراجه=قلبي يعن القصيدة له ويسرجها
وانا على نظمها ما اشكي ولا اواجه=الصدر ميدانها والقلب مخرجها
------------=
مايرحم الحب قلب انسان مشتاقي=والى اتقا في المحاني صعب تحريرة
حتى سهومه تسرب من ورى الواقي=ولا عرفنا القصيد الاّ على صيرة
--------------=
النوايا صدقها فعل وعمل=والسوالف شينها كثر الثريد
انشد العرّاف عن خط الرمل=وانشد الفلاح عن قص الجريد
-----------=
اطلع براس اطويق واطويق مشهور=ولا توقف فوق جرفٍ هيالي
ولا تقرّب مبعداتٍ بناظور=سج القدم لا شفت جالك مجالي
-------------=
كتبت من القيفان خمسة عشر بوك=وبنيت من شعري قصورٍ وفله
اقصور شعري مالها رسم واصكوك=تعبير شاعر يفتخر في محله
------------=
خل قيض الزمن يقرش بطون السحالي=ويش حدك على فعل العلوم المتيبة
وصك باب الخطا بمعجمات القفالي=واكتفه بالزرافل واحكمة بالضبيبة
لا تغرك مماريغ الجمال المطالي=وانت تدري انها ما احتكت الاّ جريبة
ولا يجي في عروقك من المواقف زمالي=والزمن مابعد كشر في الوجه نيبة
--------------=
من بعد مافارقت غالي ومحبوب=احس هم بين الاضلاع كابت
واحاول انسى ذكر طاريه واتوب=لكن حبه داخل القلب نابت
-----------------
يالله ياعالم خفا هبت النود=اللي توجه بالسحب من مناشية
بارك مخيلٍ جاله ارعود وابروق=واسق الديار المسنية من مراهيه
----------=
افتل الحكمة واصيغ احلى فرايد=ما اتسمع هرج ناس في الروادي
والبحر عندي ليا ما هاج بايد=والبحر مايومن لا عاد هادي
من طبايعنا ومضمون العوايد=غمرنا في راس ريع الطيب بادي
-----=
ان صرفنا يشهد الله مانقصنا من الرصيد=وان مشينا ما تضيقبنا المعابر والوي
ولانتزلج لاحدنا الوقت من فوق الجليد=ثابتين في مكانٍ بالشهامة محتوي
----------=
المزون اشوفها لكن مافيها رعود=والبروق اشوفها لكن تبطي ماتلوح
والسنة وايامها مابين بيض وبين سود=اصبح الحاضر بخيل وصار على الماضي ينوح
----------=
الشعر ما يحتاج شكٍ وتطريز=لكن قول انسان يثبت بالأفعال
والقوة اللي مالها جيش تعزيز=يخسر عليها صاحب الشان من المال
------------=
ودعتك الله والله ايكون واياك=والله يتمم لك حياتك سعادة
اهم شيءٍ عندي العذر وارضاك=والله يفكك من حياة النكاده
-----------=
يا سامعين الصوت نظري تشتت=مابين حسّاد الديار وفسقها
ونخلة افكاري من الهم حتت=واعذوقها مالت وهلت غسقها
------------=
الله اكبر يازمان الشقا مرك حلا=كم نوخت الركايب وقطّعت السيور
لين جرع من نوى للقاء غيرك بلا=وابتدى دوس الصعايب وودعت السرور
في زمان فيه وضح النقا جرك على=فعل ماتبغى الحبايب مضيقت الصدور
-----------=
من قل مافي يدي من الناس متخبي=والراس يومي لحاله ماله اجنوبي
والشعر تعبير لأهل الطيب ينعبي =لا وصل مندوب شاعر جاه مندوبي
من هيضي اللي بوسط الصدر متربي=مع هل العرف والطولات محسوبي
مانيب لاعنترة ولانيب متنبي =لكن يعرف بنا جدري من الطوبي
وامشي مع اهل الكرم لو كنت متحبي =ولا اتعذر الى منّه حصل نوبي
-------=
ماكل من طب وسط البحر في البحر عام=ولا كل نفسٍ تعوم بساحة اغراقها
------=
يامن ملك قلبي وروحي ومن لم=شمس الغلا في ظل وقت الصبوحي
خليتني ياميتم الروح في اليم=وانا على شانك عذلت النصوحي
واليوم انا اشرب من قراح الهوى سم=حتى شجوني من فراقك تنوحي
لكن سلم لي على الروح واسلم= ياراعي الوجه البشوش السموحي
----------------=
ما اتعذر من المطاليب من قل القروش=طلبت المحتاج غصبٍ علي اتمها
-----------=
النخل من شدة القيض خاوي ع العروش=والمساقي من الحسد مايفيدك كمها
-----------=
غابت الشمس عندك توها في الشروق=واظلم الليل توي ماعرفت اقتدي
والطلب بالمقابل حق والحب ذوق=وانا من كثر حبي فيك قل اجهدي
مايدن الرعد من قبل لمح البروق=ولا يحت الورق من غصن عودٍ ندي
مير لا كبرت القمة تضيق الحلوق=والحقايق تبين اليوم والاّ غدي
-------=
وين بتروح مني يا اريش العين وين=وانا مابعت حبك يالغضي واشتريت
غير هذا ترا لي عند حضرتك دين=تذكره ياخفيف الدم والاّ نسيت
كان ودك يبين اللي تبي مايبين=حاول انك تزعلني ليا ما رضيت
والاّ تبغى حروبٍ مثل بدر وحنين=والاّ صدام يوم احتل شعب الكويت
رغم هذا رفعتك بالكلام الثمين=والمعاني تراودني مع كل بيت
-----------=
انا اجمع افكاري كما تجمع الذود=واسوقها واعن منها الشرودة
شاعر يقود الشاردة من الشعر قود =ويشدها شد الجمال الشدودة
قصايده ماهيب شعل ولا سود= مثل السحاب اللي ترازم رعوده
لاهب نسناس الهواء واقبل النود =هلت مزونة وارتكت في عدوده
----------=
انا مريض وحالتي حالة الشين=بالله يادكتور وين انت عنها
امّا تعلمني بغيرك مداوين=والاّ تشيل اللي معذبك منها
والاّ اشرها ذمه ومسموح في الدين=وانا ادري انك ما بترخص ثمنها
------------=
ياليت حبك ما سكن قلب مغليك=لأنه سميح ولا يحب المذله
وياليت ما يجذب عيون الفتى فيك=ماهوب فيك ولا فوادك محله
----------------=
لا تلوم اللي يدور للوصايف=المعاني غامضة والشعر قصة
والغزال اللي رعى روس النوايف=لا ورد بيّن على الميراد فصة
اقر علم الصدق واسمع للطرايف=وان سمعني منك بيت الحب وصه
قل به انسانٍ يحبك مير خايف=ترسل احروف الكلام اللي تغصة
----------=
ليت غدرك يا زمان الشقا بأغلى صديق=ما يفرق بين حب القلوب الصافية
والله اني يوم شفته طلع من القلب ضيق=وإنها دبت بروحي عروق العافية
وان قدره في فوادي مع حبه عميق=والظواهر بيّنت ماتكن الخافية
----------=
يامن جهل معظم نوايا حسابي=تبقى حليمة ع العلوم القديمة
وانا بجهز عدتي والزهابي =واشد من داري وتبقى حليمة
سواة من هاجر ولله تابي=واقلع عن اذنوبه وشد العزيمة
وانصا رجال الطيب من كل بابي=اللي لهم عند الرياجيل قيمة
واللي مواقفهم تدل الملا بي=وافعالهم تشفي الصدور السقيمة
-------=
في واديٍ فيه المزايين مريت=ابغى اتفرج في منابع مغيلة
وشفت زولٍ يدرج من ورى البيت=كنه غزالٍ راتعٍ في مسيلة
-------------=
لا والذي سماك بأسم اخر الليل=واول نهارٍ طلتك فيه كالشمس
ما انساك ياراعي العيون المعاسيل=اللي تداوي علة القلب باللمس
وش عاد باقي لا ذكرت التفاصيل=يأغلى وليفٍ يشرح البال بالهمس
-------------=
قلبك الهش من دونه ضلوعٍ صليبة=جعل حلو الكلام اللي يجيك ايهشمها
لأجل ماترسل احروف الكلام الغريبة=واتذكر وعدك وكلمةٍ في عشمها
--------------=
قريت الكتاب اللي بخط القلم مكتوب=لقيت الحروف اللي على البال مكتوبة
وانا في هوى الغالين بالمعرفة مغصوب=اعن البيوت اللي تشوفون مغصوبة
------------=
الله اكبر يا فوادٍ صامدٍ قد التحدي=في جسد شبه الغزال اللي صواديفة تلوفة
ما تغير موقفة ولا بحث للناس سدي=ولا حرم عينٍ تطيع القلب من لمحة وشوفة
--------------=
انا بعد ماشفت العيون النواعس طرت=ولعاد ريش الحب يثبت محله
وحطيت صدري لك فلسطين يا اولمرت=تفضل وصدري شعب كامل وحله
--------------=
مدري متى يأهل الهوى بيتشافا=جرحٍ بصدري قدله اشهور واسنين
صارت عروقة من همومة تحافا=من بعد ما فارق علاج المداوين
والحب بابه في الحقيقة مجافا= من يفتحة ينعد ضمن المجانين
حتى ولو ما كان فيه اختلافا=لا بد يضعف قلب راعية ويبين
----------------=
يا حبيبٍ وسد الروح والحفها هموم=مايموت القلب مادام باقي الراس حي
اعترف لي واعترف لك ولا تبطي كتوم=اسألك بالله وش سلط اسهومك علي
واعتبرني وافيٍ في مطاليبك عموم=واعتبرني شاعرٍ في تواصيفك وفي
-------------=
يالله عساها ترد بنظرها فية=واقرا الحروف الخفية عند نظرتها
اخدودها من شعاع الشمس مكسية=ويش عاد لا اشرح لكم تصميم وقفتها
----------------=
مليت من صفعات الأيام مليت=ما عاد به صبرٍ ولا عاد حيلة
والهم شيد له بوسط الحشا بيت=واثبت وجوده والملامح دليلة
--------------=
الحب له ناس حصادة وزرّاعة=والنفس تعرف من النظرة مباديها
ان كانها جات هدّاعة وودّاعة=الله والاّ عسى الله لا يحييها
وان كانها جات دوّاعة وطماعة=صعبٍ عليها تحقق كل امانيها
ان مسّها الضر صارت نفس جزّاعة=تشكي وتبكي ومشكاها لباريها
وان مسها الخير صارت نفس منّاعة=هذي الحقايق بذكر الله قاريها
-------------=
كم تعرضنا المتاعب ولفحات السموم=وكم تعرضنا القوايل وحر اشماسها
---------=
جنو سود المذاري تحتلي للمريد=والفتن بايرة وتجور بأصحابها
والحقيقة تبين بصفح وجهٍ جديد=وكلمة الحق مابيخيب طلاّبها
----------=
العد لاما عاد معروف وازلال=ماننجبر نارد على مجهول
والسيل لا حدر من الجال للجال=يروي ضما واديه لو كان منقول
ويصير من بعده مراهي وغيال=واعيونه اللي تنبعة من الخطا حول
-----------=
بحر الوفاء ما تزيد وتنقص امواجه=خوفٍ تخل المحبة من تموجها
واللي يقول الحقيقة عارف اخراجة=لو كان كل البشر تنشر برامجها
------------=
ان كان تنحاني علي الملازيم=ماسمعت اذنك يابن الأجواد شايف
لا تحسب ايدينا ضعوفٍ مكازيم=ليد الكريمة ماعليها كلايف
والحمد لله ثابته بالوازيم=ولا يقصرها العميل المزايف
ماهمنا هوش الشبول العوازيم=ولا همنا نظر العيون الكفايف
------------=
ازبن بروس النايفات الصعاتيم=ولا تراوغ في الدروب الصعيبة
واصنت وفسر مفردات التناتيم=واكتب على اصفاح الوجيه الشحيبة
ما تكسف النظرة خشومٍ رعاتيم=لكن واجهتك بعزة وطيبة
ولو ما وثايقكم عليها تخاتيم=مصيبة ياكبرها من مصيبة
-----------=
ناسٍ هماج الشعر تقدر تحلية=وناسٍ تصدر من الكثيرة قليلة
وناس تحوف الطيب من عند تاليه=وناسٍ توشي من الشرارة فتيلة
------------=
الحرب ياتي فيه قاتل ومقتول=واحنا نحدد وسمنا في الضريبة
واللي يعاتبنا في الشعر مسفول=وان عاد نضرب في صميم التريبة
واشعيل باقي عن هل الطيب معقول=والى هدر تسمع تلاحيح نيبه
---------=
حد ما للصوت في جانب الشاطي لجيج=ما يغير مقصد المستمع صوتٍ حزر
انشد اللي حيك الثوب عن خيط النسيج=وانتبه من نظرة اللي يناظر ويخزر
واقطف اسمان المحاريف من زوج بهيج=ما على نفس ابن ادم من الأخرى وزر
وخلها تفوح المعاني بمنتوج الأريج=لا يتصاعد في معاليبها نطقٍ هزر
----------=
اقن المدق ودق ملقا الحلق دق=واطلق ذلوقٍ تلبق الساق بالساق
واقفل قوافي القاف بالقاف الأبلق=متقصدٍ شقف الحدق فوق الأوراق
-------------=
صح لو غصت البحر تدري ان للبحر قاع=وصح لا مديت نظرك تشوف اعلا الرجوم
-------------=
ما تفرّح لقمة الخبز من كانوا شباع=ولا توقف كلمة الغدر رجّال عزوم
----------=
السديسة تختلف عن الثنية والرباع=والهزيلة مالها عندنا في السوق سوم
------------=
دلبحت صفر المناوي واغسقت بيض الصدور=واعتقت شرف النوايا من نوت زحلاقها
عقب ما دمّت ذخيرة حقنها بين السطور=امنتها كف طيبٍ تحتسي لإطلاقها
--------------=
والله ما اشرب مع اللي يشربون الربيد=والعدود الرهيّة ادل مشرابها
ياعميلٍ يهابد في روابعه قيد=الجمال اتهادر بازغٍ نابها
والصقور اتعلا لا نوت للمصيد=وانت نفشتك ريشك تو مخلابها
-------------=
انا بنسج لك بيوتي لا تحسبها خيال=مانسجت ابياتها من قطن والاّ من سلوك
ويشهد الله مايشيب القاف عندي مير طال=لا تحسب ان الشمال اتهب من داخل تبوك
---------------=
من حل وادي الجرب دن الجرب شاته=ويشوف عيب العباد ويجهل اعيوبة
لكن هات الشوارد والخفي هاته=والنار في ساحة الميدان مشبوبة
-----------=
ياقلب من كثر العنا لا تحايد=ما دام وجه الحق ماقد تلطش
واصبر على ما جاك فالعمر بايد=وايد الوفاء وقت الشدايد تبطش
------------=
البنادق ذي تثور اليوم دون ازنادي=الهدف قدامها بس الدغاغ ايحوفه
ولو تعاون مابقي من جيش في بغدادي=ما يكون الجيش الأمريكي بعد في الكوفة
-------------=
ان كان عدك يوشف للبساتين=فلا ترد النظر والشك فينا
قدّر مكانك وناظر جيت من وين=وخلك على دربنا من حيذ جينا
-------------=
دربٍ تتابع فيه وسم المقادم=ما انته بواصل حدنا فيه لـلــه
ان كنت من نظم المحاريف عادم=خلك مع دربٍ سميحٍ تدله
-------------=
ترا طلوع اطويق غير انحداره=ومواجهين الريع غير المدابير
وليل الشتاء لا طال يقصر نهاره=والصبر يفرج مكربات المعاسير
والنار دايم تبتدي من شرارة=امّا نهايتها خساير وتدمير
فلا يتفاخر لابس الثوب عاره=ولا يتكبر من يحوش الدنانير
ولا يتوسل من يصدر ثمارة=والبر عنده في الثمايل مصابير
---------------=
انا مهاجم عارف العب والقول=العب مع الغالين في كل نادي
لكن ماني عن خطا الشعر مسؤل=لاما دعا اللازم قبست الزنادي
والسيف في اليمنى محنى ومسلول=سيف ٍبريعٍ من سيوفٍ حدادي
والليل قبلك يابن الأجواد والهول=والصيف لاتدور بيومه برادي
---------------=
ماهمني بحلاق عينك والإرماش=توي توقف مثل كل السواري
افهم كلامي وافتش البيت فتّاش=وخل القوافي بين بايع وشاري
لاتشب نارك والحطب عندك اقشاش=ولا اترجا ثوب من شخص عاري
-----------=
ماني مسمّح غصن والساق منعاج=ياللي تحسب الفايته وتحسمها
-----------=
يازين عصم تبيّن لابس الموه=في جال رجل على المقناص شفقاني
في ديرة بالنفل والمسك مكسوّه=تشفي فوادٍ من الصكات متواني
------------=
من يعرف الجدي والاّ يعرف اسهيل=والاّ يزود على السبع العجايب
ايزيد بالكفو من بين الرياجيل=اللي الكرم ساسهم غمرٍ وشايب
-------------=
ترا الحصيني لو سلك مسلك الذيب=والله ما ياصل مواصيل صيتة
ماني بكهانٍ ولا عالم الغيب=لكن ما اجهل في طريقٍ مشيتة
------------=
مادام راعي الوفاء ما تقطع ابراجه=قلبي يعن القصيدة له ويسرجها
وانا على نظمها ما اشكي ولا اواجه=الصدر ميدانها والقلب مخرجها
------------=
مايرحم الحب قلب انسان مشتاقي=والى اتقا في المحاني صعب تحريرة
حتى سهومه تسرب من ورى الواقي=ولا عرفنا القصيد الاّ على صيرة
--------------=
النوايا صدقها فعل وعمل=والسوالف شينها كثر الثريد
انشد العرّاف عن خط الرمل=وانشد الفلاح عن قص الجريد
-----------=
اطلع براس اطويق واطويق مشهور=ولا توقف فوق جرفٍ هيالي
ولا تقرّب مبعداتٍ بناظور=سج القدم لا شفت جالك مجالي
-------------=
كتبت من القيفان خمسة عشر بوك=وبنيت من شعري قصورٍ وفله
اقصور شعري مالها رسم واصكوك=تعبير شاعر يفتخر في محله
------------=
خل قيض الزمن يقرش بطون السحالي=ويش حدك على فعل العلوم المتيبة
وصك باب الخطا بمعجمات القفالي=واكتفه بالزرافل واحكمة بالضبيبة
لا تغرك مماريغ الجمال المطالي=وانت تدري انها ما احتكت الاّ جريبة
ولا يجي في عروقك من المواقف زمالي=والزمن مابعد كشر في الوجه نيبة
--------------=
من بعد مافارقت غالي ومحبوب=احس هم بين الاضلاع كابت
واحاول انسى ذكر طاريه واتوب=لكن حبه داخل القلب نابت
تعليق