العلم سلامتك ...

ان كنتي فارسه فاسمعي الكلام ذا واقوله لك

وعاني ولا ياتي رد الشهر ذيه الا عدتي مع تمساااح (في ظهر ريالو )



الى كل سحليه ناشبه في حلق أهلها وباقي على قول اهل الديره في منديلها
عندي طريقه تاخذ العقل وتطيره
اشلون تصيدين تمسااح
بس بدون اساليب سقيمه ومريضة


1_انشبي للعجوز اللي تبين ولدها
وسوي اللي اقلك عليه بالحرف الواااحد

2- الصيف ذا لا تفوتين الديره
وخليك لازقه في امك لا تروحين مع البناات وتستهبلين خليك سناافيه ويمديك على الاستهبااال والنقزه.


3--امشي وانتي حاطة راسك بين كتوفك لاترفعينه أبدا حتى لو يصير كله متورم
(خلي الفكس دائما في متناول اليد ) علشان يقولون مؤدبة ومو متكبره



4-كلمة خاله خليها على لسانك وخاصة لأم التمساح علشان تحس
بنوع من التميز عن بقية العجز .لامانع تنادين وحدة ثانيه بخاله
عشان إذا مانجحت الخطه مع العجوز نمبر ون تنجح مع االعجوز نمبر تو اتبعيها
كخطة احتياطية (يعني ستبنه )


5-إذا بدت أمك تتكلم انغزيها بكوعك عشان تدخلك بالموضوع حتى لو
مالك داعي تطبيقا للمثل (دق الحديد وهو حامي) وخيركم من بدا بالسلام
أدري إن المثل ماله داعي بس مالقيت غيرها



5-اخوانك الصغار لاحقيهم وخليك وراهم وين مايروحون حتى لو ماهي عوايدك بس تصرفي معهم كأنك أمهم
لأن هذا يوحي بما لايدعو مجال للشك عند العجوز بأنك حريصه على ذريتك (يعني حركاات للاطاحه بام التمسااح)


6-اي عريكه, والا عصيده , والا حويسة, والا قرصو, امك تاكلها والا اي شئ
خليها تقوول والله انها عبى تي تسويها بنتي (حتى لو الاكل من المطعم الصيني أو المكسيكي )


7-اذا جيتي بتمدين ايدك تنهدي وحسسيهم انها تعورك عشان امجهيل يقولون مذابك سلامتك كن شئ يضيمك
وخلي أمك تقول :كما اصيح عليه خلي الجدران لاعاد تنظفينها وعيت تسمع ميلا على الجدراان وعلى الدرجاان

(اطبعا الحال من بعضها قال ننظف جدران قال لو فينا خير كان ننظف غرفنا اللي كنه انفجر فيها قنبله ذريه)

8-دايم ارتزي عشان ماينقص من طولك ولا سم (للقصيرات فقط)



9-اذا تكلموا الحريم عن الزواج اكتمي نفسك لين تحمر خدودك علشان يقولون البنت تستحي ومالنا حق نروي عندها (بس لاتكتمين نفسك مرة أخاف تروحين فيها وأصير قتلت نفس بغير حق)

10-مهما كان موضوع الحوار حماسي لاتبدين رأيك وخليك مثل الطرما لأن اللقافه تجيب أجل الخطه ويقولون امجهيل مذا سنع راعية املسان امطويل تية ولا تخثمعين بخثما عن لالوة اول ولا تا لي خليج صندوقن مغلق0

11-شعرك افرديه لين يتحسحس لاتخلينه طاير وشوشه مهما كانت الموضه

لأن العجز مايدورون الا اللي شعرها ناعم.. والا ياعمري اللي شوشتها طايره ماحد يلتفت لها

كماان لا اوصيك قدام ام التمسااح حطي حومره لونها احمر
لان العجاايز يموتون في الحمرة الحمراء وجربي وشوفي النتائج
12-إذا أدلت العجوز (أم المتوهق) بأي رأي سواء كان سياسي أو وطني أو اقتصادي وافقي عليه حتى لو هو ماسخ وماله داعي


13-في العروس لاترقصين اربضي واقضبي ارضك واعتبري الرقص عيب وشق جيب
لامانع انك تسيدحين وتلعبين لعب الديره معهم


14-اذا جا طاري السوق وطبعا هو لازم يجي الطاري لأنه ملح الجلسه عند الحريم خلي أمك تقول:
بناتي مايطلعون للسوق أغراضهم أبوهم يجيبها (مع اني عارفه ... شكلك مقطعه السوق تقطيع خط بلدةblink]احتمال وارد الحدوث [/blink]

ممكن تكون العجوز مخططه على بنت غيرك لكن بعد النقاط السابق ذكرها بتغير رايها وتخطط عليك

الحين بتكون العجوز وقعت باالفخ

[grade="00008B FF6347 008000 4B0082"]نرووووووووح للتمساح الحين : [/grade]


اهجدي في بيت أهلك ولاعاد تطلعين واذا جاء المعرس بيشوفك خلي أبوك يقول له :

والله ودي تشوف البنت بدون ماتدري عشان تأخذ راحتك وانا عمك

وبعدين تشوفها على الطبيعه علشان ماتقول بعدين غشيتوني

(ايه هين ياالشايب لو يحصل حطيت بدالها باسكال مشعلاني والا أليسا والا مايا اللي مطيره عقول بثارينا

وقبل يجي اليوم اللي بيشوفك فيه بحوالي اسبوع أو أكثر (على حسب شين وجهك )

ادهري من مشغل لمشغل (صبغه ،فرد،تنظيف بشره،...الخ) لاتخلين على روحك قاصر

ولما يجي المعرس خلي أخوك يوقف بجنبه عند الشباك علشان مايطول بالتبحلق ويبان المستخبي وذلك تطبيق لنظرية اللمحة ذبحة

بعدها عاد كيف بيشوفك هذي عليك مو كل شيء باعلمك اياه دبري عمرك وانا زيد ادبر عمري


بس خلي أبوك في نهاية المشاهدة يقول:العذر والسموحه وأنا عمك

ترا (البنت حوسه (مع انك طاقه كل زينك بس يعني اني في هاللحظه الولد بينط على راس أبوك ويبوسه لين

يشفط مخه وبيقول متى العرس ياعم (اللهم ارحمه فقد كان ولدا بار بوالديه )

عاد الله يوفقك ولاتنسينا من الدعوات والكسوه واياني واياك تعلمين التمساح حقك من اللي معلمك هالعلوم




[blink]**تحذير: [/blink]

بعدي عن أمهات العيال اللي متعلمات راعيات امشنط لأن هذولي يبيلهم خطط بعيدة المدى واكيد كلهم بيصيفون في الديره ويكشخوون على العجاايز





[blink]**نصيحه:[/blink]

ادري انه البنااتين بيلاحظون التغيرات المفاجئه اللي صارت لك واذا سألوك قولي لهم :انك خلاص انسانه عرفتي درب السنع

تدرين ليه؟؟
خوفا من سرقة الفكرة الادبية


يا الله ابي النتايج الزينه ان شاء الله
مع تحيا تي لكم0