على كثر السنين اللي عرفتك مآعرفتك زين !
تمنيت اني مآشفتك ولا لحظه ولا شويه
حسبت إنت وأنا نبقى حبايب نبقى أحلى إثنين
حسبتك تبقى لي طول العمر مخلص وفي ليا
وأثاري حبنا كذبه نسيت العشره في يومين
زرعت الـشوك أنا بنفسي غرست الهم بيديا
لاتخاف من الزمان الزمن ماله امان
خاف من الي كل امالك في اديه وتامنه
لو حبيبك ماوفالك لو حبيبك فيك خان
ايش ترجي من زمانك النتيجة باينة
نكتشف مر الحقيقة بعد مايفوت الاوان
قلت لك لا تندفع لا قلت حبي صاينه
وين هلي صان حبك ما اشوفه يوم معاك
قلبك الي هو قلبك لا تحسبك ضامنه
لا تعذر بحتياجك كلنا ناقص حنان
كلنا طفل يتمنى أي شخص يحضنه
نبني الدنيا وحنا نوقف بنفس المكان
للاسف ينقص وفانا مع مرور الازمنة
جيت البحر قام البحر يحتفي بي
والموج يتراقص طرب يوم جيته
جيت اشتكي له هالزمان ونصيبي
فوق الهموم جروح قلبٍ مميته
قال السبب..! قلت السبب زود طيبي
قال الثمن..! قلت اش بقا ماعطيته
قال الجزاء..!قلت الجزاْ مادريبي
قال الوفاء..!قلت الوفاء راح صيته
قال النتيجه..!قلت شخص غريبي
تعليق