(تعقيبا على نشر بعض الصور لقصر بعض المشاهير)

[poem=font="simplified arabic,6,darkblue,bold,italic" bkcolor="transparent" bkimage="backgrounds/12.gif" border="none,4,gray" type=1 line=0 align=center use=ex num="0,black"]
العز مـا هـو بالفلـل والمبانـي=ولا بجمع أغلى الـدرر والملاييـن
ولا بذكر فلان و ابن الفلاني=و لا بسكبه و إتكايه و تزيين
العز عز النفـس عـن كـل دانـي=بالطيب والمعروف والـود والليـن
والناس لو قارنت أحدهـم بثانـي=ما يستوي بالوضع والحال شخصين
أبسط حقوق البعض حفلة أغانـي=والمسكنه قمة حظـوظ المساكيـن
يعني و لو مثلت لك في بياني=هذا مثل وأنت الحكم بين صنفين
بنـت الترف لو هي تمنـت أمـانـي =تلقى جديـد ألماسهـا والفساتيـن
في قصرها زين التحف والأوانـي=واللول والمرجان والمنظـر الزيـن
ما دام أبوهـا بالثـرا لـه مكانـي=من قدها بنـت الثـرا والسلاطيـن
مطلوبها يحضر لهـا فـي ثوانـي=أسرع من البارق ومن لمحة العين
ماهي بمحتاجـه لنطـق اللسانـي=تآمر أمر ما غير تصفـق بكفيـن
والبعض من جوعه وفقره يعانـي=محتاج للقمه ويشكي مـن الديـن
سدّد ديون الأمس وأصبح مداني=والراتب ا يخلص بتسعه وعشرين
بنته تمنت مثل خاتم تهاني =وابنه يقول أبغى مثل غترة حسين
هلت دموعه بعد ذوق الهواني=ولسان حاله قال من وين من وين
لكـن ومـا دام أن هالعـز فانـي=حتى ولو عاشوا به اسنين وسنين
فالله يعوضنـا بنيـل الحسـانـي=في جنة الفـردوس دار النبيين[/poem]وسلاااااااااامتكم ،،