تويت
اغرب قصة حب في الرياض
قصة حب>>>خطيرة...
يقول بطل القصه:
رحت لمحل بيع الكتب المستعمله المكتبه هذي تبيع الكتب الرخيصه شريت لي كتاب وكان عندي اختبار في اليوم الثاني...(هذي طريقتي في الاختبارات)
المهم فتحت الكتاب وفي الصفحه البيضاء اللي بعد الغلاف لقيت مكتوب بقلم حبر ناشف،واضح انه مكروف لين قال امين،المهم الكتاب طلع لبنت (ياعمري توها تزين المذاكره)
والغريب انها كاتبه الكلام هذا: أنا ادري انك أول ماتقرا الورقه ذي بتنهبل، بس خلني اقولك شي...أنا صراحه مثلك في الكليه ومقهوره بما انك مثلي عايش نفس الاجواء الحين ماكتبت هالكلام الا من القهر وعندي إحساس انك بتقدر ظروفي،وقامت تسب في دكتوره الماده وبعد ماشبعت من سبها قالت:عموما"فرصه سعيده جدا" اني تعرفت عليك واشكرك على قراءة كلماتي بس والله ماكتبت الا من زود الطفش عموما" أنا فضوليه شوي ممكن بعد ماتخلص من الكتاب تكتب لي على الوجه الثاني ردك لي!ورجعه وأنا بقرا ردك..وان شاء الله اني ابي اجي اشتريه في تاريخ كذا والساعه كذا.....
ناظرت التاريخ لقيته بكره!!!
ياساتر وش اسوي؟طيب انا ما ذاكرت والاختبار بكره وش ذا الحظ؟
المهم اني خقيت يعني رحت وطي مع البنت وقررت اكتب لها الرد وبرجعه بس قبل كل هذا رحت وصورت الفصول اللي داخله في الاختبار علشان اذاكر.
ضبطت لها ذاك الرد المحترم وقلت لها: ترى ابشتريه بعد اسبوع..رحت للمحل وشراه مني الزول بنص السعر.
اليوم الثاني رحت للمحل لقيت الكتاب امباع سألت الزول الكتاب اللي شريته منك امس وينه؟قال: امبارح جت بنت وشالته.وأنا اللي تنفتح كشرتي الين وصلت اذاني
المهم اخذت انا وياها على هالوضع 3 شهور وحنا ياشارين الكتاب يابايعين هالكتاب والمستفيد المحل حق الكتاب المستعمل.ولا بعد صار مايحطه في الدرج خلاص فهم علينا وصار يخليه عنده على الطاوله ويسلمه لي او لها اول مانجي..
مرررررت الايام وجيت مره وقلت للزول وين الكتاب؟
قال: ما ادري امبارح جاء راجل واخذ الكتاب!!
قلت يابن الحلال قل غير هالكلام الكتاب قديم ومعفن واوراقه نصها كتابات...قال آآآآآآي عليك الله اخدوه الراجل الكتاب الاصفر؟؟!!
المهم طلعت وركبت السياره ويوم وصلت الاشاره قلت يارجال الحين يقول الزول الكتاب الاصفر! يااخي الكتاب اصلا" احمر مهوب اصفر؟؟؟
واديور بسرعه ودخلت المحل بسررررعه... تتوقعون وش شفت؟؟؟
لقيت الزول ابن اللذين ماسك الكتاب الاحمر وقاعد يكتب الرساله اللي انتظرها في صفحه من الصفحات...
طلع اللئيم هو اللي انا خاق معه من شهور
هههههههههه
من ايميييييييييييلي
تعليق