[poem=font="simplified arabic,6,blue,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]
لا اله الا الله ارجو بها حسن المآب=وآتقرّب للمهيمن بها وارقا بها

لا اله الا الله آمن بها سو العقاب=واحتمي وجهي من النار واتوقى بها

كلمة التوحيد تجلى عن الدرب الضباب=والبحور المدلهمة تشق عبابها

الرسل من شانها في ذهاب وفي اياب=كل ما ضاعت من امه بعث نبّابها

لا اله الا انت يا عالم اسرار الغياب=انت خلاق المخاليق وانت اولابها

الكواكب والنجم والمذنب والشهاب=والقمر والشس بامرك تدور اقطابها

والرواسي والشجر والضواري والدواب=والطيور يسبح افرادها واسرابها

مجري(ن)في بحرك المالح انهارٍ عِذاب=في البحر ما يختلط ملحها بعذابها

غافر الزلة مبدّل خطايا من اناب=تارك التوبة على المصرعين ابوابها

فيا آدمي ما دمت ما تحتمل عود الثقاب=كيف تقوى النار والنار من شبّابها

اغتنم قوتْك في طاعة الله وانت شاب=لا تقل في تالي العمر يمدينا بها

الآمل يمهل لك الحبل ويسوق الركاب=والليالي تطوي الحبل في دولابها

والقدر ما منه فكه ولا عنه اجتناب=والمنية رحلة كلنا ركابها

لا اله الا الله الفصل عند الانتحاب=وانتزاع الروح من لحمها واعصابها

واحد(ن)يدلي بها في سهوله وانسياب=وواحد(ن)ينفجّ نحره وهو ما ادلى بها

لا ذكرت القبر يشتبّ في الجوف التهاب=آتذكر قصة الفاس مع حطابها

طاب حض اللي سلم من حقوق الناس طاب=والذي لا يبتهتها ولا يغتابها

كل ما جمعّته ابوجه حق وباغتصاب=كفة الميزان تُملي عليك احسابها

وكل نفسٍ تنسئل عن ثلاث وتستجاب=والنتيجة تكتشفها من استجوابها

اما صار القبر مثل الميادين الرحاب=ولا ضاق وضكّ الاضلاع بين اجنابها

وعندما يُنفخ في الصور وتدك التباب=ثم ينتاب انفس الخلق ما ينتابها

تترك المرضع ولدها بلا زاد وشراب=وتسلب الحامل وهي ما درت باسلابها

والى اجتمع في ساحة العرض من اخطا واصاب=ويل نفسٍ تستلم بالشمال كتابها

النواصي فارقت كل تاج وكل كاب=والاسامي جرّدت من جميع القابها

وفزعة الناس البعيدين والناس القراب=والله ما تحصل عليها ولا تحضى بها

لا غدا للنار زفره وللدمع انسكاب=رحمتك يا رب مابه نجاة الا بها[/poem]