هذا المقطع لمن لم يتابع الأحداث
ياصالح الشيحي .. صدى جزرك المد
مني ومن كل الوجيه السفيره ..!!
سلام ند .. لمن يبي يصير لك ند ..!!
الحق يظهر دام ربك .. نصيره .!!
تغريدتك ياصاحبي ماتبي رد
كسرٍ يبيله في وطنا .. جبيره ...!!
كان الثقافة مسكة اليد باليد ...!!
سلم على الاعلام واشكر وزيره ..!!
شف كيف عبدو خال مع مايس القد
منصت لها يوم انها تستشيره ..!!
حنا فقارى فهم .. وافكارنا سد
تمنع هدير السيل وسط الجزيره ..!!
مادام حاضرها كذا وشهو الغد
ماعاد باقي غير وسكي وبيره ..!!
لو المحبه للوطن عندهم جد
ماكان ضجوا من قلمك وصريره ..!!
ماكل هجمه بعض الاحيان ترتد
ولاكل مرتده .. تسمى خطيره ..!!
تغريدة الشيحي مثل صفعة الخد
لاهل الفراغ مثقفين ، الحضيره ..!!
ثقافة الترقيم والجذب / والشد..!!
تعني .. وطنا .. مابقى فيه غيره ...!!
اما يحط .. لمن يروّج لها .. حد ...!!
والا جحا اْولى باللحم من قصيره ..!!
تعليق