بسم الله الرحمن الرحيم
إخوتي وأخواتي الغالين ....
أسعد الله أوقاتكم بالمسرات وبعد:
أكتب إليكم بنص جديد أرجو أن يتناسب مع ذوقكم الرفيع ودمتم....
يـاوجــودي وجـــد مــن ضيّـــع فلــــو ســــــه
ضـــاق صـدره واصبـح مـن المــال عـــــاري
وجـد مــن فالبــرد لاصـكّت ضــــــروســـــــه
فــي صحــاري نجـد طـول اللــيــل ســـــــاري
ويــاوجــودي وجــد من يبســت غـــــروســــــه
بــعـد مــاكــــانــت تــمــدّه بـــالثـــمــــــــــاري
وياوجــودي وجــد مــن جفـّـت حــبــوســـــه
وجــــد من يمشــــي وتــــايه في الصحاري
سبّــــة الــلـي لاتـفـنّــن فـــي لــبــوســـــــــــــــه
يـجــذب انـــظـارالبــشـــر كــنّـــه حــبـــــــاري
لامــشــى كــنّــه عــلى وردٍ يـــدوســـــــــــــــه
لــه عبــيــرٍ مــن يــميــن ومـــن يـــســــــــاري
لــيتنـي ابــاريــه وانعـــم فــي طقــــوســــــــــه
عــايـشٍ ويّــاه فــي وسْـــط ْ الـــقـــفـــــــــاري
وليــتــني لــه ضــيف واشــرب فــي كــؤوسـه
يــعـمـل الـدّ لّــه ويـــقـْـربْــهــا جــــــــــــواري
واسعــد بــشــوفتــْـهْ واســمــع مــن دروســــــه
حــولــنا الغـــدران واطــيــور الــــبــــــــراري
ياعـــذابــي لاتـــربّع فــي جـــلــوســــــــــــــــه
يــســــحــر بنظــرة عـــيـــــــونــه مـــايــداري
مابيـبـرا الجســـم مــن قـــوّة قــبـــــوســــــــــه
بــو غــريــب انصــاب بســهـوم الــدّ مـــاري
كــنّ تــحــتي في فــراشـي شــوك ادوســـــــــه
لاذكـــرتــه شـــبْ جـــوف الصـــدر نــــاري
يــاهنـي مـن عــاش خــالي مــن هجــوســـــه
مــايجيــه الهــمّ فــي ليــــل او نهــــــــــــاري
كلمات/صالح أبو غريب.....
رد: ***ديوان الشاعرالقدير صالح ابو غريب***....
تعليق