[poem=font="Simplified Arabic,6,royalblue,bold,italic " bkcolor="transparent" bkimage="" border="solid,4,darkblue" type=1 line=0 align=center use=ex num="0,black""]
في فن علم النفس وانمـاط الحيـاه=مصيبتـك طلّـع وراهــا فـايـده

لاينتثر فكـرك علـى كـذا اتجـاه=الخصخصه فـن العقـول الرايـده

وان ساد من حولك شعور الاشتبـاه=خـذ لشعـورك منطقـه محـايـده

الثقه سقف العقل والناقـص ذكـاه=من حسسك بأن فيه حاجـه زايـده

والابداع؟ماهو لعـب شـد الانتبـاه=على حساب الغـاء فكـره سايـده

والضيق ضيق الافق واكظام الشفاه=وفهم الحيـاه علـى انهـا مزايـده

افضـل وسيلـه للسعـاده والنجـاه=سهله على الراغب ولا هـي كايـده

توحد الله صـدق وتقيـم الصـلاه=وجعل الفواحش عن حدودك نايـده

وتكف يدك وتحمد الله على الغنـاه=وتخشّر هنودك معـك فـي المايـده

ولاتخـاوي لاشيـوخ ولا رعــاه=خـاو اصدقـا تفكيـرك وفـرايـده

والشيخ من تواضعه يسبـق عطـاه=يتعـودون النـاس مـن عـوايـده

والحب ذروة كـل شـي ومنتهـاه=ومحلا من وضوحه سـوى مكايـده

يبكـي الرجـال ويبحّـث خـفـاه=ويعلمـه شـرح الحظـوظ البايـده

واللي يحب احد(ن) ماهو في مستواه=يبطـي وعينـه بالمدامـع جايـده

ياوجد حال الشاعر ويا امـه وابـاه=وجود من هاوش لأخـوه وصايـده

اللي اتمنى اعيـش واتوفـى معـاه=حتـى فعيـده ماقـدرت اعـايـده

الحـزن طاقـه للدعـاة وللطـغـاه=وانا طلعت مـن الجـروح بفايـده

ان لم تزد شيئا ً على هـذه الحيـاه=فتأكـد انك انــت حـاجـه زايــده
[/poem]

للمبدع والرآآئع // سععد علووش