شاكر لك على مرورك وردك الجميل
بالنسبه للادوات المستخدمه في اللوحه
مثل ما قلت في الموضوع ان اللوحه جداريه
اي لوحه جداريه اكيد الالوان المستخدمه فيها البوية الزيتيه
طبعا فيه خلفيتين خلفيه للوحه كامله وخلفيه للكتابه
خلفية الكتابه استخدمت فيها طريقة التعتيق
بالنسبه للكتابه كتبتها على صحيفه بعدين فرغتها بمشرط
بعدها ثبت الصحيفه في المكان المخصص
بعدها ناخذ اسفنج او قطن ونغرقها بويه بشكل متوسط
ونعبي مكان الكتابه وبعد ما تكتمل نشيل الصحيفه تظهر الكتابه بشكل واضح وجميل
والسر في الشي هذا اننا نستطيع التحكم في البويه وتظهر حوافها متناسقه
البعض يستخدم البويه البخاخ وهذا خطاء لان البويه البخاخ اذا كانت على جدار طبيعي انها بتسيل
وما نقدر نتحكم في حواف الكتابه مثل الاسفنج او القطن
بالنسبه للزخرفه نفس الطريقه بالضبط
نقدر نفرغ جنب واحد ونكرره اربع مرات في كل الزوايا
والشغله كلها محتاجه هدؤ وروقان في التنفيذ
وبعدها نضيف الضل واستخدمت في الضل على الزخرفه
اقلام البويه العريضه
واي استفسار ثاني احنا بالخدمه
اتمنى اكون افدتك
يعطيك العافيه