[poem=font="simplified arabic,5,firebrick,bold,normal " bkcolor="transparent" bkimage="" border="none,4,orange" type=0 line=0 align=center use=ex num="0,black""]
يالله تثبت مجتمعنا على القول الثبات=واجبر قلوبا صلاها التجلّد والكمد
لفقيد الامه الفهد محمود الصفات= قايد النهضه منار الهدا نجم السعد
واجهتنا اكبر مصيبة دهتنا في الحياة=يوم بلغنا الحقيقه بموتك يافهد
قمت من وقت الضحى لامقيل ولامبات=كن في جفني تقرّح وفي عيني رمد
آتذكر صاحب التضحيه والمنجزات=حث في مسعاه وانجز وجاهد واجتهد
آتذكر صاحب الفضل راعي المكرمات=خادم البيتين زبن الدخيل المضطهد
آتذكر يوم حرب الخليج الكارثات=السما دخان والارض قوة تُحتشد
آتذكر حزم راعي الدراج العاليات=للكويتي يوم زعزع كيانه وارتعد
آتذكر وقفتك يافهد للمكبرات = بالسياسه والرياسه وتحكيم ورشد
آتذكر نهضتك ومالشاهد بينات=العلم مرفوع والرّا يغار وينعقد
جبتها في وقت محدود من كل الجهات=ماصبحت والا المواكب تعد وتستعد
ماتقاعس للتفاوض وقيلة خذ وهات= ثمن الوقفه وبالله توكل واعتمد
لين حررها واقام البنا والمنشيات=وتهنت لذة النوم والعيش الرغد
استتب الامن وتحطم النازي وفات=وانتهى التحرير بالنصر والصف اتحد
سالوا التاريخ عن كبر هذا المعجزات = عندما حلت بجابر ونادى وانتجد
ماوقف في جنبه الا زبون المعضلات=لين قر البحر والبر والعالم ركد
كل ساعه يافهد لك بقلبي ذكريات=ان تسلى خاطري وان صحى والا رقد
آتذكر مانفقت به يديه الخيرات=راحته ساحة عطا والنكارم تنحمد
فيض جوده مثل فيض البحور الزاخرات=غطت العالم وفاضت على وجه البلد
سدووا منها احتياج الآباء والامهات=والعمي والبكم واطفال في حضن المهد
نسأل الله منزل الغاشية والذاريات=الرحمن العافي الشافي الفرد الصمد
ان يتغمد فهد بالعفو والمرحمات=رحمة تغمر عظامه وتربه واللحد
ثم يجعل منزله في الجنان المنعمات=بجوار عمر وابو بكر في دار الخلد
دار(..) اركانها حور عين معرّبات = كنهن اللول مكنون في طي الغمد
الغرف محفوفة بالنعيم مزخرفات=والسرر مرفوعة(ن) تستنير وتنتجد
خير مانحلق فهد دعوات صالحات=تاصله منا وتبقى على طول الابد
ماسهى عنا بنا لين وافاه الممات=وزرع مايغني الولد واولاد الولد
الرجا في من تقدم واقام الواجبات=وتربع فوق عرشه وللعليا صعد
الملك عبدالله العدل رجل الطايلات=ماتربع في عرين الاسود الا الاسد
عزز احكام الشريعه وصان مقدسات=وحكم بالعدل رغم الحسود ومن جحد
انت ماتحتاج منا دليل وتوصيات= نحن الشعب الذي في حماكم يستند
عندنا بيعة ولاء من نفوسا صادقات=مانخون ولانخادع ولانخلف وعد
نعطي البيعه ونبرم عقودا مبهمات =من وفا واخلاص ماهي على زور وفند
استندنا تحت ظل الجبال الشامخات=واهتنينا الاكل والشرب وراتاح الجسد
يامكلنا (..) في ذا البلاد الطاهرات=ياحجا المنكوب والي على بابك وفد
مملكتنا زاهره من عصورا ماضيات=شامخه مرفوعة الراس ماتخضع لاحد
الامور بقبضتك والنواصي خاضعات=وانت عززت المباني وشيدت العمد
انت من صديت عنا الجموع الصايرات=في نهارا بارد الزند ولّى وابتعد
انت درع المملكه للامور النايبات=ياذرا المضهود واللي زبن وقت الهجد
وولي العهد سلطان الى حلت وجات = وجّه القوة وزاد الذخيره والمدد
ان حدث حادث تقدم لحل المشكلات=وان حضر في المجتمع زاد تطبيق العدد
حقق المسعى لطلب الامور الساميات=وابرم الخطه وثبت مواثيق العهد
ياملكنا في يمينك رجل له تجربات=العضيد اللي بجنبك تربع واعتضد
له مع احداث الليالي خبر ومساجلات=مزبن الخايف ومن قل ماله وافتقد
راحته تندا وله في البلاد مساهمات = لو يجود بما معه لايمنّ ولاحسد
مكرماته مثل وبل المزون الممطرات=جاد في ماله وفضله يجود وينوجد
هم عيال اللي جمع شملنا عقب الشتات=وامتطى صهوة جواده وبالسيف اقتلد
ماحكم باصوات ومعاهده ومبايعات=واصل الحملات في سيرته وانجز وجد
ثبت اركان العقيده وازاح المنكرات= واحكم القبضة على من تحيّز وانفرد
قال وش بالناس في شعبثه ومفاوضات=يستلب بالجبر مال الضعيف ويقتصد
حكم طاغوتي وجهلا يبيح محرمات = وعوايد جاهليله تعاب وتنتقد
وحكمها فيصليا طموحه راقيات=ثبت الاركان وارسى الدعايم والوتد
عزز احكام العداله وردّ المظلمات= واعلن التوحيد والشكر لله وسجد
كلما قال الله اكبر وحي على الصلاة=اصبحوا عباد الاصنام في كد ونكد
واصل الحملات وانجز على عز وثبات=الكتايب سايره والطرد يتلا الطرد
نصر الاسلام من ذلة وتغيرات=وابرم الخطه على الحق واصلح مافسد
امن واستقرار واحكام عدل مميزات=العباد اخوان مابه شقاق ولا حقد
هذا هو عبدالعزيز الذي باد الطغاة= واذعنوا واعطوا مواثيقهم يدا بيد
ساندوه الاوفياء والمشاهير الثقات=لمصامخة الأعادي وهجمات وصد
العقيده خالصه والنوايا طيبات = والعمل باخلاص واليوم مايجّل لغد
قال سيروا والمعونه برب الكاينات=مايحقق نصرة الدين جيش ولاعدد
انتهت بالنصر واصبح لها مبدا وذات=امن واستقرار في ظل من سدد وسد
عزز المبنى وخلف جبالا راسيات=مايزعزعها عواصف ولا برق ورعد
الملوك ابنا الملوك الولاة ابنا الولاة = حكم عدل ولين جانب وباسا مايُرد
لو نظمت امجادهم في البيوت المفردات=مابلغت العشر منها وماعندي نفد
لكن التاريخ يحيي العظام الفانيات=والكتب مما يورّخ تعد وترتص[/poem]

الله يرحم فهد
وعاش بن طوير على هذه القصيده الطيبه

صح لسان الشاعر وتسلم على النقل الجميل

ابو منير مميز في شعره


شكرا لك

طرح رائع ومميز
الله يعطيك العافية

مميز ورائع جدا

تحياتي

طرح رائع

تسلم ايدينك على حسن الانتقاء
ربي يسعدك وينور دربك

رحم الله الملك فهد رحمة واسعه

صح لسان الشاعر وتسلم على النقل الجميل

بارك الله بكم وجزاكم الخير

نثر وشعر جميل جدا

جميل ورائع
ونتمني المذيد
مع تحياتي

الله يعطيك الف عافيه