[poem=font="times new roman,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
سامحيني ... ما لي إلا الله ... ثُمْ انتي سَنَد=اعتذر لك عن قِسَا قلبي ... وسَطوَة ناظري
قصدي انِّك لي وَطَن ... ما قد حصل ... واجمل بَلَد=واثرني سافرت عَنْك (ا)بعيد ... اسَلِّي خاطري
اكتب احساسي قَهَر ... والقلب ذاب (ا)من الكَمَد=عَاصِف الماضي المرير ... اجتاح هادي حاضري
كم حبست الشوق لاجلك ... بين جَزْر وبين مَد=لين مات الحلم فيني ... واختفت مظاهري
ان ذرينا في عجاف (ا)اسنيننا ... ويش (ا)نْحَصِد=والهوى فيني ذَوَى ! ...ذي تِهمةٍ منها بَرِي
كنت اظن البرق سوط ... وصرخة الغيمه رَعَد=تنتثر ديمة دموع ... (ا)تبوح عن سرايري
واكتشفت ان الفرح شمعه ... ومُوْقِدْهَا هَجَد=وانْ طوفان المشاعر ... مغرقٍ دفاتري
في خفوقي ذيب يعْوِي ... والزِّمَن مِخْلَب أَسَد=كَسَّر أحداب الضلوع ... وينهش (ا)بمشاعري
خيَّمَت سود الليالي ... كُلْ نجم وله وَتَد=والسَّهر شيَّب عيوني ... واجترح محاجري
يا غريبه ... عن حكاية ... كُلْ مَن جَدَّ وَجَد=ساعديني ما استطعتي بالرحيل ... وبادري
سجليني ذنب نَزْوَه ... واقترفتيني رَغَد=ثُم توبيني نصوح ... وحطِّمِي منابري
اطمسي باقي حروفي ... لا تبوحيني لاَحَد="صـــادق الإحســـاس" ، "روح الروح" ، "حُبِّيْ" ، "شاعري"
ما بقى من ذكرياتك ... لا ضَنِين ولا تَلَد=واصدق (ا)وعود الليالي ... صاح قبلي ... غادري
اجرحي ظُلم الغداري غَم ... والطُرْقَه جَلَد=الصَّباح إذا تَنَفَسْ ... دَرْهَمَت خواطري
سافري لا تسأليني ... مَن وُفَا أو مَن جَحَد ؟!=كَسِّرِي كُلْ القيود العاتيات ... وسافري
دامني سالي ... ولا بِي لا حَنِيْن ، ولا كَبَد=سَوِّيْ انِّك ما دريتي بِي عِنَاد .... وهاجري
[/poem]