شجون الضمير..!
[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
[poem=font="arial,5,black,norma l,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
العز راسك يا(شجون) الطهاره=ماعاش راس اللي نوى يكسر الورد
عشقك بميدان الكرامه مناره=غصنك طري ومن اليبس يشتعل ند
شاعر ولي فالحب ربح وخساره=حظي معي مره ومرااات بالضد
اسبح بحور وللتحدي جساره=واغرق وسط دمعه اذا بللت خد
احيان احس اني وزير التجاره=واحيان احس اني من الفقر مرتد
الفقر ماله دين والجور داره=لايردعه فتوى ولا يشمله حد
مرات اذوق الشهد ملح ومراره=ومرات طعم الملح من سدرة الشهد
ومن بين عادات البدوا والحضاره=نسجت ثوب إنسان يسمو ويمتد
ياسع شعوب الكون طهر ونظاره=مثل المحيط بحالة الجزر والمد
طهر الضمير ابكل صدرٍ(ن) سفاره=يدٍ تقيم العدل وتشيد المجد
وان غاب في بعض المواطن شعاره=عارٍ على العالم وخزيٍ(ن) على الفرد
والدين لله ..ولـــنبيه وقاره=والنفس مركب منتهاها الى اللحد
من ذاق عيد الصبح يعشق دياره=ومن عاش ليل الجور للنور ينشد
والحظ موحسب الغبا والشطاره=لوشاف عين الشمس يعمى ويخمد
والسوق حسب المربحه والخساره=هذا رجع يرقص وهذاك منهد
والعقل تاجٍ له ديار ومهاره=من يجلبه سوق الخسارات يكسد
والضد بين الخير والشر اماره=من يزرع الغيمه ومن يهدم السد
والصدق واطموح الفتى وانكساره=ناسٍٍ بها تفرح وناسٍٍ تنهد
والليل لوطالت سنين احتضاره=للفجر يوم وللعصافير موعد
شمس الامل والحلم تاره وتاره=تعزف حروف النور للكون يسعد
هذي شجون الحرف ما جت عباره=تنزف ضمير ..ومسرح الحال مشهد!!
[/poem]
[/poem]
***
تعليق