(جنوبي )قصيدة لفضلية الشيخ الدكتور عائض القرني

القاها لاول مرة في الاجتماع الثالث لمنتديات بلاد بلقرن الرسمية

الذي عقد مساء الخميس الموافق 26/3/1434 هـ بمنتجع درع المجد بالدرعية




[poem=font="simplified arabic,5,green,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

ياسلامي عليكم ياجنوب الدار=عدًت الرًعد والبرًاق وامزونه
يالمطاليق يالفرسان يالاخيار=انتم المجد والتاريخ واركونه
انتم اهل الوفا والطيب والمقدار=من كرمكم نفوس الحِسد مغبونه
ياحماة الوطن ياجند خط النار=من سواكم يذوق الموت واطعونه
الجنوبي فؤاده مثل وجه انهار= كل صرح على الطولات يبنونه
هم رجال وجبال عزً ضيف وجار=كم غريم بكاس الموت يسقونه
اللسان الفصيح ودقة الانظار=منزَل العبقريه فيه مسكونه
الجنوبي يضيًف لو يبيع الدار=لو سلاحه لحقً الضًيف مرهونه
ارفعوا روسكم تاريخكم جبار=ياسلايل رجال الا زد وامتونه
منكم انصار مبعوث الهدى المختار=صارت ارواحكم في بدر من دونه
ملك غسان فيكم نجمها المغوار=يوم كفه بدم الروم مدهونه
انتم اللي ذبح عنسي مع المختار=يوم رأس الظلاله هاج بقرونه
الجنوبي صمد للترك يوم اشعار=عسكر الفوج والباشات مغبونه
منكم اللي اقتحم لمسيلمه باسوار=ذبحته في الحديقه تبطل اجنونه
الرسول اعتزى فيكم فدته اعمار=يوم غزوة حنين الموت تشرونه
ياجنوب افتخر والفخر للاحرار=تاج مجد الشرف ياللي تشلونه
الملاحم لكم واسطورها الانصار=بالهمم لو جبل منعا تهدونه
اسمكم فاتحه في نشرة الاخبار=كل واجب على الطولات توفونه
وان ذكرتم يجيني حالة استنفار= كل واحد كتبت الشعر لعيونه
ياجنوب السعودية سعد وانوار=من كرمكم جبال العز مزيونه
واصلوا واصلوا يامحطمي الاصفار=الاوائل لكم يالربع مضمونه
والقبائل لها حشمة وصيتٍ سار=دامت اعراضكم بالعز مصيونه
مملكة جامع الامه على الآثار=لجل عبدالعزيز الروح ممنونه
[/poem]