من وحي روما ...
[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياسحر روما ..وورث المجد لاحفاده= اثار ما تمحي وصروح تتنور
الوقت صاحي ولا له لحد ووساده=والعار سمسار يالجيزه وياتدمر
العمر فات اجمله واغلاه واعياده=ما باقي الا نصيب الضغط والسكر
يعني عصي الطموح وصهوة اجياده=ما قدمت للهزائم عذر ومبًرر
في ناظري حايره والفضل للساده=كسرة سنين الشقي ما تجبر الخُطًر
الشيب ضيف الفظول بعين مرتاده=يجلس على الباب والا قبله يسكر
مركاه نظره حنونه من طرف غاده=دخانها يخنقه واشلون لو يسكر
لعطوه بنك الرياض ومثله ازياده=ما عاد يحيي رميم العمر و ان عمر
والخوف ما عاد له يدين تقتاده=والصمت ماعاد له فكين تتسمر
رمى لسوق الفلس مفتله واشداه=ماعد شئ يخسره يعمره ويدمر
ما باقي الا ظميره واصدق انشاده=الصبح له وجه ياهل اللوم لا يكثر
إطلق نقاط الكلام ووضح ابعاده=قلها صريحه بوجه البيه والعسكر
لكن قبل انصراف الضيف وعناده=اترك لخصم الصباح انفاس ويفكر
يشفع له المركب المخروق واولاده=لا تحطبه نار والا الموج به يبحر
بيده علاج التشوه وانسب اعياده=البوصله تعرف القطبين والمحور
يعني ترى يعرف المجلود جلاده=سقوط صدام غير الزين ومعمر
والشام غير اليمن والجوع ولاده=والفقر كذاب لو هلل ولو كبر
والنيل يبكي الفرات ويلبس احداده=القطن ذبلان وامه تشرب (ا)معكر
والشمس عين الحليم ونخوة اجياده=لوقالوا الشاعر الغلبان يتذمر
والشعر نبض الألم نزوته وامداده=والطعم هم اللسان الملح والسكر
والناس نزف الظمير وطهره اضماده=الياذة العقل لا تعويذة امبشر
ودعت روما وهمي عاد كا العاده=يحرس حقيبه بقايا العمر والدفتر
وصلت جده عروس العطر وامداده=اوجانها شاحبه والساق متعثر
جتني رساله تزف امجاد (جلاده)=فازت على النوق من فيفا الى عرعر
في عنقها وسم حوله ورد واقلاده=تزهى بصافي الحرير وقاعها مقفر
والطير لو ماطرب له غصن فـــ ابلاده=اما شــواه الجشع ..ولا كــلاه الـذر !!
[/poem]***
جريدة المدينه العدد/ 18188
الجمعه ربيع الأول 1434هــ
تعليق