تويت
.
يا مليك العدل ياالاب الرحيـم
يا سند من ينتخيــك ومحــزمه
يا عطى المحروم يا مآوى اليتيم
يا عصا المضهود لا كل اعزمه
انت رمز الجود في يمنـاك ديم
غيث سقيـا للديـار المعـدمه
وانت نجـــم ٍلا يفل ولا يشيـم
نهتدي به في الليال المعتمه
قائـد الامه ليـا دن الهـزيم
بالشهوب المرجفات المرجمه
شامخ ٍ كالطــود في ظـلك نسيم
نحتمي به عن سموم الاوسمه
في ظـلاك عايش الشعب بنعـيم
واحمد الله عـد فضـله وانعمه
الحـدود يذودها السيف الصـريم
من نقض حكم الشـرعيه تصـرمه
ان ضربت الضربه اللي في الصميم
وان صفحت الصفح حلم ومرحمه
وان تبادى الشر من وجه اللئيم
سيف يشطر كل شـــر ويقصـمه
ساطي الهيــات فلاج الخصــيم
والعدا من هيبتـــك مستسلمه
طول بال وحكمه وراين سليـم
تنصح الجاهل قبـــل لا تلطمه
ماحكم فيك الغضب لانك حليم
كل موقف بالرشـــاده تحكمه
من ملوك الارض مامثلك زعيم
خرر وجه المجد ويبوس اقدمه
سيدي بالشعب مايرضيـك ضيم
وانت طب لكل ضيم وبلسمه
حالنا متغير وفي الجـو غيم
عتّمت اجوائنــــا المتبسمه
مابقى لهمومنا صدرن كظيم
الجنوبي ضــــاق مما يكتمه
من الهموم اللي تشّيب بالفطيم
نبتسم والحزن ماخذ له سمه
الحــــدود مشرعه للي يهـيم
شلةٍ تنهب وشـــــله مجرمه
شرذمه من زمرة ابليس الرجيم
يا حداها الجـــوع يا هي مدعمه
والضحيه من رجال ومن حريم
اذبحـــونا والنفـــوس محرمه
للقهر يا سيــدي نار وضريم
حن نصد الشـــر والا نكرمه
اعطنــا التفــويض والله العظيم
ان نكحـــل كل جـــاني من دمه
الجنــوبي راقي الفكــر وفهيم
ما يخــــالف شـوركم والانظمه
سيدي والجــــرح غاير مايليم
باقي امورن جــــلال ومبهمه
الطرق باقي على العهد العقيم
كل من سافر عليــــها تلهمه
كم قلوب من الحزن تصبح حطيم
كم مصاب وكــــم جثث متفحمه
ليش ماهي مثل مكه للقصــــيم
ليش حنا في الزوايـا المظلمه
دارنا فيه السيـــاحه للمقيم
عاصمه لو للسيـــاحه عاصـمه
من ورودالطائف الي ابهاالسديم
جـو ساحــر والسمـاء مغيـمه
خلها مثل البقيـه سيـم سيـم
والمـدن يا سيــدي متقــدمه
مستوى الخدمه هشيمن في هشيم
مااظلم اللي قال جيد مااظلمه
سيدي والصـدر يخفي مايــزيم
ما حكيت الا سطــر من ملـزمه
والله ان الحــال يحتاج لحكـيم
وانت بلسم للقلـوب المكلـمه
الجنــوبي في ولاكم مستهـيم
حبـكم يجـري بدمه وانسـمه
حن معاك على السراط المستقيم
محزمك وقت الرخا والمعـمه
الـولاء مزروع من ماض قديم
بالفعـل ماهو كــلامن ننظمه
.
.
تعليق