تويت
.
واحد من الاصدقاء جاء له وظيفه في منطقه بعيده
ولا يرغب في السفر والبعد لان له حبايب و ما يقدر
على بعدهم استشارني بخصوص هذا الموضوع
وانه سوف يلقى عمل ان انتظر وصبر
وكان هذا ردي عليه
.
طير ياطير الموده في سمـــــا رزقـــك وغيب
تل جنحـــانك وحلــق من على متن الفضــا
كل دار ٍ له وليـــف وكــــل قلب ٍ لــه حبيب
وكل طير يعــــود لامن لاح بــــراق ونضى
لا تضجر من نصيبك كل شي قسمه ونصيب
ارض في حكم المقـدر والقـــدر حكــمه قضا
ادري انـ قلبك حزين وحابسك جرحن عطيب
وادري انـ فرقى وليف الروح نيران ولظى
لكن اصعـب من فراقـه مدت الكـف القطيب
لا سطى سيف الحقايق راحت احلامك شظا
الجريح مع الـزمن لابــــد ما جــرحه يطيب
والبـــلا طرفك عن الماجوب لامنه غضا
لا تقــول الحــظ عاثر كلمــــا ترمي يخيب
خل في قلبك يقين وخـــل في صبرك رضا
جيت للدنيا غريب وتهــجر الدنيـا غريب
والحظيظ اللي بدين الله ورضوانه حظى
اطلق الجنحان وانسى سيرة الهم الكئيب
وابتهــج بالعمر لا تبقى اسير لما مضى
.
تعليق