[poem=font="simplified arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا الله يا والي القدَر و التدابير = يا من يكون الشي على ما تريده
ما فيه عبدٍ ما يجي منه تقصير = و من دون عفوك طاعته ما تفيده
من يشمله عفوك يعد الدنانير = و من لا شمله العفو صفر ٍ رصيده
تجعل لنا مع كل عسرٍ تياسير = و تقبل دعاء قلب ٍ حياته زهيده
وآقول يا اهل الشعر وين الشعاعير = عن مدح راعين الصفات الحميده
اللي تبنّوا جايعات العصافير = و خلوّا غريب الدار يرسل بريده
و ربّوا الفقارى لين صاروا هوامير = و الا من اول نصهم ع الحديده
و رشواّ العطور ا على ثياب الاعاصير = و جابوا لماضي العيد غتره جديده
و اوقاتهم من غاليات القناطير = ضحّوا بها من شان تمشون سيده
و خلّوا مهم اعمالهم و المشاوير = حتى صحيح القلب ينزف وريده
يا وش بلانا ما نصوغ التعابير = و نرسم شموخ المدح لوحه فريده
و ننحر لوجه الدّْين وضح و مغاتير = نرضي الجمايل و الحياء نستعيده
و من بعدنا يا ماسكين الطباشير = هيّ اكتبوا بالله جمله مفيده !!
[/poem]






[poem=font="simplified arabic,6,red,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""]
و من بعدنا يا ماسكين الطباشير = هيّ اكتبوا بالله جمله مفيده !!
[/poem]