[poem=font="Arial,6,black,bold, italic" bkcolor="transparent" bkimage="backgrounds/13.gif" border="none,4,gray" type=2 line=0 align=center use=ex num="0,black"]
قفى الوفـاء وانثنـى وأخلـف مواعيـده=وأعطـى الجفـا مجلسـه مالـي وللجافـي
مـا أبغـي المقفـي بـلا علـة ولا آريــده=الحمـد لله عـلـى جنـبـي يـجـي لحـافـي
لا صـدّ غيمـة يجـي غيـمـة وترعـيـدة=والـروض يـروى بوبـلٍ بــاردٍ صـافـي
أعطـانـي الـدهـر مـنـه دروسٍ مـفـيـدة=واللـي عطانـي زمانـي عـاد لـي كـافـي
يـا كبـر لا فـات منـي شــي مــا أفـيـده=كني على الشوك ماشـي والقـدم حافـي
في الصدر نار الحسايف ما هـي بعيـدة=مـا راح منـي ولــو غنـيـت بــه قـافـي
لـو كـان هـيّـن يـهـون البـعـد وأزيــده=لـكـن لا صــار رأسٍ مــا هــو بخـافـي
واللـي فقـدتـه عـزيـز وخنـجـره بـيـده=بـيـده قـتـل ودّنــا مـــن دون ميـقـافـي
ما أدري نسى الماضي الباقي شواهيده=وإلا تـنـكّـر وطـــاع الـخـايـن الـهـافـي
أيـام مــرت وعـيـدي لــو لـقـي عـيـده=وإن جـاه مكـروه تحمـل حملـه أكتـافـي
كـنّـا عـلـى قـلـب واحــد قـبـل تعـديـده=والـيـوم قـفـى وخـلـى طبـعـه الـوافــي
إن كـان طـاع الهـوى وأكـثـر مناقـيـده=مــا لــي بكـانـون دارٍ ضـوهـا طـافــي
والله مانـي بـمـن يبـكـي عـلـى صـيـده=لا صـار مـرضـان وإلا صـيـد منـعـافِ
فـي كـل ديـرة بنيـت الحصـن وأشـيـده=وإن فــات واحـــد بـدلــه الآف والآف
ما ني براعـي ردى والغـش مـا أجيـده=أوصاف وافي المقـام الوافـي أوصافـي



غانم جراد القرني[/poem]