[poem=font="Simplified Arabic,6,black,bold,italic" bkcolor="transparent" bkimage="backgrounds/15.gif" border="none,4,gray" type=2 line=0 align=center use=ex num="0,black"]
يـا لوحـة الماضـي الفـانـي بـمـا شـالـه=يــا بـاقـي الذكـريـات بذكـرهـا الـبـاقـي
يـا قافـلـة فــي طـريـق الـوقـت رحـالـه=كنْهـا مـع ذا الزمـن فــي حــزّة سـبـاق
عـبّــرت بالـشـعـر وألـحـانـه ومـوالــه=عن صادق الحب لك عن خافي أشواقي
كنـي معـك عـاشـقٍ مشـغـول بــه بـالـه=مرضـان مـن بـعـد فرقـاكـم بــلا راقــي
مــا يـــدري بعـلـتـه عـمّــه ولا خـالــه=ما يـدري إلا الـذي مـن زمزمـه ساقـي
يـا لوحـة المـاضـي الممـلـوح بأحـوالـه=بـعــدك تـبــدل زمـــان بـــدّل أخـلاقــي
يـا ماضـيٍ عـشـت فـيـه بـبـارد ظـلالـه=اليوم شمسه نوت يـا الماضـي إحراقـي
أبكـي مثـل مـن بكـى لـو فـارق عيـالـه=وأصـد عـن حالـيٍ مـا هـو مـن أذواقـي
الوقـت عـن بيـر ماضينـا طـوى حبالـه=وألـقـى عـلـى بـيـر حاضـرنـا بـحـرّاق
يـا اللـي تلومـون مـن غنـى بـمـا قـالـه=مـا قــال غـيـر الـكـلام العـالـي الـراقـي
من عاش ماضي وحاضر واختلف حاله=دمعـه عـلـى الحـالـي المفـقـود مـنـراق
لـذة حـيـاة الفـتـى مــا هــي مــع مـالـه=لـو يجمـع المـال مـن طبـات الأســواق
ماهـي مـع الـجـاه والمـركـب ومنـزالـه=وإلا الشهـادات فــي صفـحـات الأوراق
لــذة حـيـاة الفـتـى فــي سـاعـة إقبـالـه=والنـاس تبـدي تراحـيـبٍ مــن أعـمـاق
لـــذة حـيـاتـه بـوقــت يـبـنـي رجــالــه=بـيـت السـعـادة عـلـى عـهـدٍ ومـيـثـاق
لقمتـه مــن كـفـه المضـمـون ونضـالـه=يـروى بمـاي الهـنـا مــن غـيـم بــرّاق
مـا يحمـل الحقـد يـوم إنْ خـاب حمّـالـه=ما هـو علـى درب هـون معنّـي السـاق
هـذي تــرى لــذةٍ فــي القـلـب محتـالـة=لا عاش في ذا الزمـن فـي غـي ونفـاق[/poem]


غانم القرني
وتوجد بشريط المسافر