[poem=font="Arabic Transparent,6,black,bold,itali c" bkcolor="transparent" bkimage="backgrounds/18.gif" border="none,4,gray" type=2 line=0 align=center use=ex num="0,black"]
مشتاق أنا والهوى والشوق مضنيني=مشـتـاق لـلـي بقلـبـي طــاب مـنـزالـه
من شافني شاف سر الشوق في عيني=صحيـح وجـه المغربـل يحكـي بحـالـه
ويـن المنـازل وأنـا فـي دنيتـي ويـنـي=حـدانـي الـوقــت بيمـيـنـه وبشـمـالـه
والبعـد حـلّ ونـزل مــا بيـنـك وبيـنـي=والبعـد بالـهـم يـرمـي سـهـم غربـالـه
مــا بـاقـي إلا بقـايـا مـاضـي سنـيـنـي=مــن ذكـريـاتٍ مــع مــن راح رحـالـة
أشتـاق يـا ديرتـي والـشـوق يكفيـنـي=أكتب لك أعذب قصيـد وصـوت موالـه
أشتـاق لـك شـوق طـفـل فـاقـد اللـيـن=لأمــه وهــي غايـبـة ويـزيـد ولـوالـه
يـا اللـي لهـا الفـكـر مشـغـول يعنِّيـنـي=فـي درب الأفكـار طـول الليـل مدهـالـه
أسهـر معاهـا ونـور الفـجـر يدعيـنـي=ما أحسّـب الليـل وأسهـر رغـم طوّالـه
سهلك ورجمك وجـوك حيـل يشجينـي=واللي سكن فيـك فـال الخيـر مـن فالـه
يـا كيـف أبنسـى زمانـي لـو بيطوينـي=وأنسى ليالي الهوى وإلا أجمل وصاله
أنـت عــن العـالـم الـلـي مــا يسليـنـي=غير وبدالك يعـاف القلـب مـا جـاء لـه
تبقيـن يــا منـوتـي بالقـلـب وايديـنـي=تمسك بحبـل الوصـال وتحـذر اهمالـه[/poem]


غانم بن جراد القرني
خميس مشيط