[poem=font="simplified arabic,6,black,bold,italic" bkcolor="transparent" bkimage="backgrounds/16.gif" border="none,4,gray" type=3 line=0 align=center use=ex num="0,black""]
البدع =
ادن يا ذيب و اقرِب مسمعك و استمع لا هنت لي =
فأنت لي عون بعد الله و اقرب من آبوي و من آخي =
و انته اللي تخافك لانس و اللي تخاف الجن بوك =
آنا جيتك و في جنبي طعون ٍ و في قلبي جرايح =
و الكبد تشتكي للقلب و القلب يشكي للكبد =
و اصبح الكمبيوتر باكي ٍ حالتي و اللي جرى بي =
و المعالج يواسيني و الازرار تحسن في عزاي =
لاجل هذا استبيحك عذر و آسف على قل الكلافه =
اقبل ابيات شعري و القصيده على خمسين بيت =
و الله لو كنت ما بشكي من الضيم لاسهب و انت داري =
اني اقدر على خمسين و اقدر على ميتين بيت =
وآنا ياذيب ما جيت اشتكي دين و الا من فقر =
و ا لآ جيت اشتكي من همّ و الا غلا و الا وظيفه =
و ا لآجيت اشتكي من عجز و الا وجع و الا مرض =
وا لآ جيت اشتكي ساهر و شح الاراضي و الرواتب =
و ا لآ جيت اشتكي التعليم و الطب و اهل الدكتره =
آنا جيت اشتكي لك من رفيق و قريب و عانيه =
يبدي المدح في جيّته و اذا مشى كال السبايب =
و يظهر الود في وجهي و اذا راح يطعن في قفاي =
نلتقي دايما ً نشرب و ناكل سوا في صحن واحد =
و انتقهوى دلال الود و آ صبّ له و يصب لي =
دايماً ما يسلني عن فلان و فلان و عن فلاني =
وآنا اجاوب و اقل كل المطاليق عندي ونعما =
ثم يرجع يسلني عن عميد القصايد و المعاني =
و من هو الشاعر الموهوب و اللي بلا شي موهبه =
وآنا والله جاوبته و كل ٍ و له راي ٍ يخصه =
الشعاعير في رايي ثلاثه و باقيهم رواه =
المصيبه يقل صادق و ما قلت هو نص الحقيقه =
وآنا بآخالفك في الراي ما في الثلاثه الا ثنين =
آنا صدّاق و ا على نيتي في النهايه و البوادي =
لين جاء يوم يكشف عن قناع الحقيقه و البيان =
اصبح اليوم له راي ٍ و قبل امس له راي ٍ مخالف =
و اصبح ا يقول ما انت بشاعر و ما انت للحكمه لسان =
ما يخالف فأنا ماني بشاعر و لا حتى براوي =
لان من يدّعي بالشعر في ذمتي ما هم شعار =
القصايد عناوين المواهب و تعْلِمْ كل عالم =
و الذي واثق ٍ ما هو بحاجة من اعطاه اللقب =
غير يا ذيب ما هذا الذي علّني و اشوى كبادي =
الذي علّني نقله هروج المجالس و الحكي =
لآ جلس ياخذ ا علومي و اذا رحت وداها لغيري =
ثم ياخذ علوم الغير ياتي يوديها لنا =
يشتهي ياكل الغيبه و يشرب و يسعى بالنميمه =
ونشوته في كلام ٍ قال هذاك فيه وذاك فيه =
يا الله انّك تجازي المنتدى خير و تزيده مثوبه =
يوم يخبر و يكشف عن قناع المنافق و الدني =
هذا و المعذره يا ذيب طوّلت و ادري ما انت فاضي =
غيري اكثار يقلون انحرف عنّهم يشكون لك =
و انت يا ذيب رح و ان كان خلصت بدري لا توانا =
لأن عندي علوم ٍ يذهلك كثرها و قلولها =



[/poem]