تويت
إن نظــرنا ( كل كلمــة تثير الانتبـاه )
وان كتبت صدورالاوراق مافيها سعه
والقلم من سوء حظه محل الاشتباه
متهم عند اكثر الناس لو جاب اربعـة
حين يكتب جدول الضرب قالوا وشبلاه
وان بدا بالطـــرح قالوا ورا ما يجمعـــه
ويوم تمشي بعض الاقلام حسب الاتجاه
يمنع المأجور والحُــر محدن يمنعـــه
ومن يطيع اهل الغوايات وافكار الطُغاه
ودك انك من مكانك تقــــــوم وتصفعه
وانت اللي من ذنوبك تبي طوق النجاة
ما يفيـــدك غير طاعــــة وطيبٍ تزرعه
زيّن اخلاقك مع الخلق في هذي الحياة
ســـــيرة ابن أدم توطيـــه والا ترفعــه
لا تكبّر وين ما رحت يا مـــــــال الغناه
اعرف الانسان من طين واصله مرجعه
ان عرفنا ذلك اليوم من يمشي وراه
الحقيقة في رجوعه ثلاثـــــــة تتبعه
نعــــرف ان ثنين ترجع ومن يبقى معاه
يا يضــــــره في مخاواه والا ينفعــه
يوم يطلع زين يفـــــــرح وكثّر له نباه
وده انه زاد مـــــــرات يــــوم ان صنعه
ويوم يطلع شين بالحال لو يقدر شناه
وده انه ما يعــــــرفه ولا يجلس معه
شعـــر / عبدالله العطافي السلمي
تعليق