السلام عليكم اخواني الاعزاء .. بعد فاجعة وفاة سبعه من شباب بالقرن في يوم واحد وبسبب حوادث سيارات مميته ... نسال الله ان يرحمهم ويلهم اهلهم وذويهم الصبر والسلوان .. كتبت هذه الابيات اللتي تصف مااشعر به .

[poem=font="simplified arabic,5,black,normal,normal" bkcolor="transparent" bkimage="backgrounds/7.gif" border="none,4,gray" type=1 line=0 align=center use=ex num="0,black""]
يالله يارب يالوالي عظيم الجلال=يامالك الملك خالق كوننا باكمله
يا من له الامر والتدبير في كل حال=مايعجزه شي تالي وقتنا واوله
اوجدتنا في حياة تاليتها الزوال=مصيرنا والمقدر خافي نجهله
قدرت يارب والاقدار ماهي محال=والعبد ماجاه من رب البشر يقبله
يوم الربوع المصايب والعثاير طوال=جات الكوارث جموع وجاتنا محوله
في خيرة الناس جا للموت صوله وجال=في ظرف ساعات حتى يوم ما كمله
لا هوب واحد ولا هو اثنين سبعة رجال=في كل بيت نحيب و صوت و ولوله
سبعة نشاما من الصهب احزني ياجبال=مصيبه يشيب منها العقل وتهوله
فقدانهم صعب والنسيان يبقى خيال=والحال يشكى على الله والله يعدله
والصبر عند المصايب من عظيم الخصال=وانفوسنا من عناها ماهي معوله
يارب .. كل من قبضته ثبته للسؤال=وارحمه واكتب له الجنه وصبر هله
[/poem]