[frame="10 80"]
[poem=font="simplified arabic,6,indigo,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
غناتي لو توارى الود وتوارى شذا الكافور=تعيده ذكرياتي واهتني في عطفه الدافي
ومهما كان يبقى ما مضا في خافقي مقبور=وهذا النهج يالغالي بقي من ورثي اسلافي
يبوح الهاجس بمكنون قلب وحالنا مستور=وحالي في نظر حسادنا بالخير متعافي
تناسينا زمان ما يغادر لوحنا المسطور=ويبقى ما مضى يشبه للول بجوف الاصدافي
بقايا الامس يسترها بقايا ثوبنا المشتور=سترنا والزمن له دورةٍ واقول يا كافي
إلى لقياك قلبي له حنين ورفرفة عصفور=وينقر سنبلة سيلان غضه بين الاعلافِ
يقولون الليالي مبصره واقول فيها عور=نسير الدرب واتعبنا المراكب والقدم حافي
يهاتفني يقول ابصر تلاشا جودك المخبور=فقلت لعل في درب الصلاح تلاقي اسرافي
ولا تهت بدروبٍ سرها بين البشر منشور=مع من تاه وانا منهجي للهينه نافي
ولا اساير خبيث الطبع والا من يقول الزور=وفي درب الشهامه والشيم لي وردي الصافي
ومن يتجاهل السكه عسى عينه تشوف النور=وعله يبصر ويسمع نداي وصادق هتافي
ويبقى القلب والوجدان لك يا صاحبي ماسور=ويبقى منهجي يشبه لطودٍ شامخٍ نافِ
إذا ما يجبرك ماضي غلانا ما انت بالمجمبور=ولا أقول إن بذر محبتك في مدرج السافي
ولا زالت مزون السحب ديمه والأراضي بور=ولا نفتح سجلات توارت لك ولا اجافي
وانا اللي في رضاك اصارع الرمضا وموج بحور=والامواج العواتي ودنا من فوقها طافي
لعل الصوره بعينك تمثل فارسٍ ميسور=وامثل موقف الراضي ونتصبّر على الخافي
[/poem]
[/frame]