[poem=font="Simplified Arabic,6,black,bold,italic" bkcolor="transparent" bkimage="backgrounds/14.gif" border="none,4,gray" type=1 line=0 align=center use=ex num="0,black"]
كفيت يا صقر العروبة بمسعاك=كفيت يا حامي حمى الشرع والدين
ورثت فعل الطيب من عود رباك=على الريادة وانت شيخ السلاطين
عندك رضا شعبك تعده من ارضاك=والثانيه عندك قضية فلسطين
كل العرب شافوا حقيقة نواياك=وألجمت بأفعالك ضغون المعادين
واكبر دليل الوضع يشهد لمبداك=في صلح مكه يوم صالحت حز بين
مديت لأسماعيل وعباس يمناك=صادق تريد الصلح ما بين الاثنين
وتعاهدوا بالله لا قتل و إعراك=أمضو عليها والقسم له مأدين
واحنا تباشرنا على صلحهم ذاك=كل العرب بالصلح راحو مهنين
لكنهم خانوك و الشر ينحاك=ودارت عليهم ساعة الشر والشين
ماأبطيت يا صلح الفصايل ولا امداك=ردوك روادك ورا عشرة اسنين
أكثر من اول بينهم حقد فتاك=في كل بيت أخوان وبالحز ب خصمين
الوضع ماهو ناقصٍ حرب واسفاك=شوفوا من الخسران والمستفيدين
قربتوا اللقمه من ايدين باراك=أسهل عليه اليوم من مدة ايدين
وش عاد نرجي وضعنا صابه انهاك=الحرب قامت والخساير ملايين
وينك صلاح الدين والقدس ينخاك=يا من يلبي دعوة المستغيثين
لا وحسافه يا زمن وين الإدراك=أخوان لكن بالاسم والعناوين[/poem]وسلاااااااااااامتكم ،،