[poem=font="Simplified Arabic,6,darkred,bold,italic" bkcolor="transparent" bkimage="backgrounds/1.gif" border="none,4,gray" type=2 line=0 align=center use=ex num="0,black"]
تردني عنها خطوط المحاذير=والخوف من نظرات عين الرقابه
اللي معاها كني ابعالمٍ غير=يعني تقول أني خوي السحابه
طاير من الفرحة ولا فرحة الطير=ناسي همومي والعنا والكئآبه
سرابها كذب صدوق التعابير=وأصدق من الواقع حكاية سرابه
أشهر فلاسفة الزمان المشاهير=من فلسفتها مل حبر الكتابه
يا هي تحدت بالمواهب شكسبير=وش مسرحياته وفن الخطابه
لو شافها عازف لحون المزامير=بتهوفن المشهور يفقد صوابه
يمكن يرص الارض لادندن الزير=ولا بعد عزفه يجر الربابه
والتاجر البطران شيخ الهوامير=لعيونها يمكن يصفر حسابه
تاقف لها بالغصب كل الغنادير=موقف تحيه وإحترام ومهابه
هالفاتنه لولا صروف المقادير=في دربها ما كان ساقي مشى به
عن شوفها ياكم صنعت المعاذير=لأجل أبتعد عن ذنبها وارتكابه
نادت وقالت ما أبي منك تأخير=مثلك ترى يصعب علينا غيابه
أحترت وأنفخ مثل من ينفخ الكير=اللي حرق بالكير زهرة شبابه
محتار بين أمرين وأحتاج تفسير=سؤال يبحث عن حروف الإجابه
أروح وأتعدى خطوط المحاذير=أو أمتنع من شان عين الرقابه؟[/poem]

وسلاااااااامتكم ،،